Башҡортостан хөкүмәтенең оператив кәңәшмәһендә Радий Хәбиров республика делегацияһының августың икенсе яртыһында эш сәфәре менән Үзбәкстанға барырға йыйыныуы тураһында әйтте. Башҡортостан делегацияһы Ҡарағалпаҡстандың баш ҡалаһы Нукусҡа юллана, унда килешеүҙәрҙе тормошҡа ашырыу буйынса аныҡ аҙымдар тикшерелә.
Үзбәкстан яғы Башҡортостан менән хеҙмәттәшлек итеүгә ҙур ҡыҙыҡһыныу белдереә. Уҙған аҙнала Өфөгә Ҡарағалпаҡстандың Юғары Советы рәйесе Аманбай Орынбаев килде. Туризм, нефть химияһы, ауыл хужалығы һәм башҡа өлкәләрҙә хеҙмәттәшлек тураһында килешеүҙәр төҙөлдө.
«Улар барыһы ла аҡса менән килә, беҙҙең хеҙмәттәшлек өсөн ҙур мөмкинлектәр бар», - тип билдәләне Радий Хәбиров.
Бынан алдараҡ «Башинформ» республикаға ошо дуҫ ил менән мөнәсәбәттәрҙең әһәмиәте хаҡында яҙып сыҡҡайны.