Башҡортостан һәм Свердловск өлкәһе сәнәғәт сәйәсәте өлкәһендә төбәк-ара бәйләнештәрҙе үҫтерә

Башҡортостандың Сәнәғәт, энергетика һәм инновациялар министрлығы һәм Свердловск өлкәһенең сәнәғәт һәм фән министрлығы дәүләт сәнәғәт сйәсәте өлкәһендә төбәк-ара бәйләнештәрҙе үҫтереү тураһында һөйләшеп килеште. Екатеринбургта «Иннопром-2023» халыҡ-ара күргәҙмәһендә ошо хаҡта килешеү төҙөлдө.

«Республика Рәсәй төбәктәре менән тығыҙ бәйләнештә: күп предприятиелар берләшеп эшләй, хатта бер үк кластерҙарҙа ҡатнаша. Һамар өлкәһендә «АвтоВАЗ»да Башҡортостандың тиҫтәләгән предприятиеһы эшләй. Силәбе өлкәһе менән беҙҙе металлургия һәм тау сәнәғәте бәйләй. Татарстан — автомобилдәр эшләүҙә күптәнге партнер. Алыҫ Себер һәм Башҡортостан нефть һәм газ сығарыу өлкәһендә күп йыллыҡ партнер бәйләнештәре бар. Донецк Халыҡ Республикаһы менән станоктар төҙөү һәм еңел сәнәғәт өлкәһендә хеҙмәттәшлек тураһында килешеү төҙөлдө. Хәҙерге ваҡытта мәсьәләләрҙе бергәләп хәл итеү бик мөһим», — тип билдәләне республиканың сәнәғәт һәм энергетика министры министры Александр Шельдяев. 

Документ уртаҡ инвестиция һәм инновация проекттарын булдырыуҙы, инвестициялар йәлеп итеү һәм дәүләт ярҙамы сараларын күрһәтеү мәсьәләләрендә тәжрибә уртаҡлашыуҙы күҙ уңында тота. Төбәктәр сәнәғәт производствоһын диверсификациялау өлкәһендә хеҙмәттәшлек итергә ниәтләй.

https://www.bashinform.ru/news/economy/2023-07-11/bashkiriya-i-sverdlovskaya-oblast-budut-razvivat-mezhregionalnye-svyazi-v-oblasti-prompolitiki-3335381