90.99
0
Башҡортостан һәм Өфө яңылыҡтары
98.78
0
83.96
+0.69
9+ °C
Ясна
Бөтә яңылыҡтар
Иҡтисад
23 Октябрь 2018, 18:16
Башҡортостанда яңыртылған энергия етештереү йылына 10% арта – Энергетика форумы
Олег Яровиков
ӨФӨ, 2018 йыл, 23 октябрь. /«Башинформ» мәғлүмәт агентлығы, Галина Бахшиева/. Башҡортостандың баш ҡалаһында Рәсәй энергетика форумы, шулай уҡ «Урал энергетикаһы» халыҡ-ара күргәҙмәһе асылды.
Иҫәп буйынса 18-се форумдың эшендә илдең энергетика һәм сәнәғәт компаниялары, Рәсәйҙең 12 төбәгенән һәм донъяның алты иленән фән, бизнес вәкилдәре ҡатнаша.
«Мин импортты алмаштырыу өсөн яуаплымын, шуға бөгөн хөкүмәтебеҙ һәм эре дәүләт корпорациялары иғтибарын илебеҙ етештереүселәренә йүнәлтә, тип әйтә алам. Форумдың төп бурыстарының береһе етештереүселәрҙең Рәсәй корпорацияларында килешеүҙәр алыуына, аралашсыһыҙ бер-береһен табыуына ҡайтып ҡала, — тине Өфөләге Рәсәй энергетика форумында Дәүләт Думаһының Энергетика буйынса комитеты рәйесенең беренсе урынбаҫары Игорь Ананских.Альтернатив энергетиканы үҫтереү форумдың пленар ултырышының төп темаһы булды.
Башҡортостан Хөкүмәте Премьер-министры Рөстәм Мәрҙәнов һүҙҙәренсә, республика өсөн «яҡын арала электр энергетикаһында ниндәй йүнәлештәрҙең үҫешәсәген аңлау бик мөһим, сөнки был өлкә беҙҙең өсөн өҫтөнлөккә эйә».
Төбәктә, айырыуса Урал аръяғында энергия ҡеүәтенең етмәүе беренсе йыл ғына һиҙелмәй.
Былтыр Башҡортостанда 23,8 миллиард киловатт сәғәт етештерелгән, ҡулланыу 27,2 миллиард тәшкил иткән. Быйыл электр энергияһын файҙаланыу, бер йыл элек кеүек үк, йылдам темп менән бара.
«Республиканың 2030 йылға тиклем иҫәпләнгән социаль-иҡтисади үҫеш стратегияһы иҡтисади үҫеш темпын тиҙләтеүҙе күҙ уңында тота. Беҙҙең стратегияла тулайым төбәк продукты үҫешенең уртаса темпы 3,1 процент кимәлендә күҙаллана, — тип хәбәр итте Рөстәм Мәрҙәнов. — Әлбиттә, беҙҙә энергетиканың төрлө төрҙәре, шул иҫәптән яңыртылған энергия әүҙем үҫешә».Әлеге ваҡытта Рәсәйҙең Киңлек үҫеше стратегияһы әҙерләнә. Башҡортостан үҙенең, шул иҫәптән энергетика комплексын үҫтереү йәһәтенән тәҡдимдәрен ебәргән.
«Улар араһында — беҙҙең республикала үҫтереүҙе талап иткән объекттар. Тәү сиратта был - Ҡарман электр станцияһын реконструкциялау. Тәҡдимдәребеҙ яңы объекттар төҙөүҙе лә күҙ уңында тота. Иң башта Түбәнге Һөйән гидроэлектростанцияһы. Әлегә беҙ ошо тәҡдимдәр иҫәпкә алынырмы, юҡмы икәнен белмәйбеҙ. Рәсәйҙең Киңлек үҫеше стратегияһын ағымдағы йылдың 1 ноябренә тиклем ҡабул итеү күҙаллана», — тип өҫтәне республика Хөкүмәте Премьер-министры.Өфөлә Рәсәй энергетика форумы 26 октябргәсә эшләй.
http://www.bashinform.ru/news/1227867-v-ufe-nachal-rabotu-odin-iz-krupneyshikh-energeticheskikh-forumov-rossii/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».