Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
6 Июль 2017, 12:02

Республика буйынса «Роспотребнадзор» эшҡыуарҙарҙы Асыҡ ишектәр көнөнә саҡыра

«Роспотребнадзор»ҙың Башҡортостан буйынса идаралығы
«Роспотребнадзор»ҙың Башҡортостан буйынса идаралығы
ӨФӨ, 2017 йыл, 6 июль. /«Башинформ» мәғлүмәт агентлығы, Галина Бахшиева/. 13 июлдә иртәнге сәғәт 10-дан көндөҙгө 4-кә тиклем «Роспотребнадзор»ҙың Башҡортостан буйынса идаралығы республикала күләмле акция — «Эшҡыуарҙар өсөн асыҡ ишектәр көнө»н уҙғара.
Идаралыҡтан тыш, акция 12 территориаль бүлектә, шулай уҡ Республика күп функциялы үҙәгенең 13 филиалында ойошторола.
Идаралыҡтың матбуғат хеҙмәтендә хәбәр итеүҙәренсә, эшҡыуарҙарға планлы һәм пландан тыш тикшереүҙәр үткәреү тәртибе, тикшереү барышында асыҡланған мотлаҡ талаптарҙы типик боҙоу осраҡтары хаҡында мәғлүмәт, шулай уҡ бизнес берләшмәһенең башҡа һорауҙарына яуап биреү ҡаралған.
Бынан тыш, 13 июлдә «Роспотребнадзор»ҙың Башҡортостан буйынса идаралығында 2017 йылдың тәүге ярты йыллығындағы хоҡуҡ ҡулланыу практикаһы һөҙөмтәләрен асыҡ тикшереү була.
Акция уҙасаҡ урындарҙы бында ҡарарға мөмкин.
Читайте нас: