Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Болотло
Бөтә яңылыҡтар
Иҡтисад
5 Июнь 2017, 11:28

Башҡортостандың 20 районында картуф һәм йәшелсә ултыртыу тамамланған

Ксения Калинина
Ксения Калинина
ӨФӨ, 2017 йыл, 5 июнь. /«Башинформ» мәғлүмәт агентлығы, Галина Бахшиева/. Республикала картуф һәм йәшелсә ултыртыу дауам итә. Башҡортостандың Ауыл хужалығы министрлығы мәғлүмәте буйынса, төбәктә 2 мең гектарҙан ашыу майҙанда картуф ултыртылған, был пландың 70 процентынан күберәк тәшкил итә. Әлегә асыҡ тупраҡтағы йәшелсәләр меңдән ашыу гектар ерҙе – пландың 80 процентын тиерлек биләй.
Хәҙерге ваҡытта республиканың 19 районы – картуф, 20-һе иһә асыҡ грунтта йәшелсә сәсеүҙе тамамлаған. Көйөргәҙе районы — картуф, Бүздәк һәм Кушнаренко райондары йәшелсәләр буйынса планды арттырып үтәгән.
«Башинформ» агентлығы хәбәр иткәнсә, агросәнғәт комплексын үҫтереүҙең стратегик планы 2017 йылға ауыл хужалығы продукцияһын етештереүҙе арттырыуҙы күҙ уңында тота. Атап әйткәндә, төбәктә 1,7 миллион тонна картуф һәм йәшелсә йыйып алыу планлаштырыла.
Читайте нас: