91.69
-0.36
Башҡортостан һәм Өфө яңылыҡтары
98.56
-0.08
82.82
-0.85
2+ °C
Болотло
Бөтә яңылыҡтар
Иҡтисад
10 Февраль 2017, 17:16
Башҡортостанда яҙғы баҫыу эштәрен үткәреүгә республика ҡаҙнаһынан 930 миллион һум аҡса бүленә
Олег Яровиков
ӨФӨ, 2017 йыл, 10 февраль. /«Башинформ» мәғлүмәт агентлығы/. 2017 йылда сәсеү кампанияһын үткәреүгә республика ҡаҙнаһынан 930 миллион һум аҡса бүленә. Был хаҡта Башҡортостан Башлығы Рөстәм Хәмитов агросәнәғәт комплексының 2016 йылдағы эшмәкәрлеге һөҙөмтәләренә һәм 2017 йылға бурыстарға арналған киңәйтелгән кәңәшмәлә белдерҙе.
– Быйыл яҙғы баҫыу эштәрен үткәреүгә 930 миллион һум күләмендә дәүләт ярҙамын йүнәлтергә ниәтләйбеҙ, шул иҫәптән башҡа сығымдарға – 500 миллион, һөткә – 300 миллион, минераль ашламаларға – 80 миллион, элиталы орлоҡтарға – 52 миллион һум, – тине төбәк етәксеһе. – Был уҙған йылға ҡарағанда аҙыраҡ, әлегә бюджеттың мөмкинлектәре шундай. Әммә бөгөнгө шарттарҙа был да һиҙелерлек ярҙам.
Яҙғы сәсеү ваҡытында яғыулыҡ-майлау материалдары менән тәьмин итеүҙә өҙөклөктәр булмаясаҡ, тип билдәләне республика Башлығы.
– «Башнефть» милексеһенең алмашыныуы яғыулыҡ менән тәьмин итеүгә йоғонто яһамаясаҡ. Хәл яҡшыраҡ булыр, тип ышанабыҙ, – тип һыҙыҡ өҫтөнә алды Рөстәм Хәмитов. – Аңлашыла, хаҡ билдәләү буйынса ла һорауҙар бар. Ҡышҡы дизель яғыулығына хаҡ артты, йәй көнө лә артыр тип хәүефләнәбеҙ. Шуға ҡарамаҫтан, яғыулыҡ-майлау материалдарын етештереүселәр беҙҙе ишетһен өсөн тырышабыҙ.
Республиканың төп етештереүселәре менән минераль һәм азот ашламалары буйынса килешеүҙәр төҙөлгән, тип хәбәр итте төбәк етәксеһе. Ҡатмарлы ашламалар буйынса «ФосАгро» корпорацияһы менән хеҙмәттәшлек тураһында меморандумға ҡул ҡуйылған. Был корпорация Башҡортостанда үҙенең бүлеген булдырырға ниәтләй.
– Былтыр эске һәм тышҡы баҙарҙа минераль ашламаларға хаҡтар һиҙелерлек төштө. Быйыл да шундай хәл һаҡлана. Ләкин аграрийҙарыбыҙ ашламалар һатып алыу йәһәтенән әүҙем түгел. Шуларһыҙ яҡшы уңыш алып булмай. Быны һеҙ минән яҡшыраҡ беләһегеҙ, – тип билдәләне Рөстәм Хәмитов. – Ашламалар өсөн аҡсаны экономияларға ярамай, һатып алырға кәрәк. Әгәр ҙә артабан ашламалар ҡулланһаҡ, яҡшы һөҙөмтәләргә өлгәшербеҙ.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».