Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Ҡар
Бөтә яңылыҡтар
Иҡтисад
1 Ноябрь 2016, 15:31

Төркиәлә республикала «Апимондия-2021» умартасылыҡ конгресын уҙғарыуға ғаризаның логотибы менән таныштырыу сараһы була

ӨФӨ, 2016 йыл, 1 ноябрь. /«Башинформ» мәғлүмәт агентлығы/. Бөгөн Төркиәнең Мугла провинцияһында V Халыҡ-ара умартасылыҡ һәм ҡарағай балы конгресы башлана, уның эшендә Башҡортостан делегацияһы ла ҡатнаша. Делегация составында республика Хөкүмәте Премьер-министры урынбаҫары Илшат Тажетдинов, Башҡортостан министры Руслан Мирсаяпов, умартасылыҡ һәм апитерапия буйынса ғилми-тикшеренеү үҙәге етәксеһе Әмир Ишемғолов бар. Илебеҙ исеменән Рәсәй умартасыларының милли союзы президенты Арнольд Бутов ҡатнаша.
«Офис-төркөм» коммерцияға ҡарамаған автономиялы ойошмаһының матбуғат хеҙмәтендә хәбәр итеүҙәренсә, ошо ҙур форум барышында 2021 йылда «Апимондия» халыҡ-ара умартасылыҡ ассоциациялары федерацияһы конгресын үткәреү хоҡуғына кандидат булған Башҡортостан менән таныштырыу сараһы уҙа.
2021 йылда баш ҡалала «Апимондия» халыҡ-ара конгресын һәм «АпиЭКСПО» халыҡ-ара күргәҙмәһен уҙғарыуға логотип раҫланған да инде.
Эмблеманы илдең «ДизайнДепо» агентлығы эшләгән һәм ул стилләштерелгән бал ҡорто образын кәүҙәләндерә.
«V Халыҡ-ара умартасылыҡ һәм ҡарағай балы конгресында ҡатнашыусылар сағыу, иғтибарҙы үҙенә йәлеп итеп торған һәм ҡыҙыҡһыныу тыуҙырған логотипты лайыҡлы баһалар, тип ышанабыҙ, — тип иҫәпләй Башҡортостан министры Руслан Мирсаяпов. — Конгреста ике меңгә яҡын кешенең, шул иҫәптән «Апимондия» федерацияһы ағзаларының ҡатнашыуы көтөлә. 2017 йылда 2021 йылғы конгресты ойоштороу урынын тап улар билдәләй».
Читайте нас: