Башҡортостан һәм Өфө яңылыҡтары
80.23
0
91.98
0
62.51
+0.52
-7 °C
Болотло
Бөтә яңылыҡтар
Иҡтисад
20 Октябрь 2016, 13:22

Төбәктә IV кварталға торлаҡтың уртаса баҙар хаҡы раҫланды

Олег Яровиков
Олег Яровиков
ӨФӨ, 2016 йыл, 20 октябрь. /«Башинформ» мәғлүмәт агентлығы, Галина Бахшиева/. Республиканың ҡала һәм райондарында IV кварталға торлаҡтың квадрат метрының яңы уртаса баҙар хаҡы раҫланды. Башҡортостандың Төҙөлөш һәм архитектура буйынса дәүләт комитеты тейешле бойороҡ сығарҙы.
Өфөлә торлаҡтың квадрат метры 35 773 һумға баһаланған. Был III кварталға ҡарағанда 563 һумға күберәк. Өфө районында торлаҡтың квадрат метры 35 400 һум күләмендә билдәләнгән.
Күмертауҙа бер квадрат метрҙың хаҡы — 31 900, Ишембайҙа — 32 000, Октябрьскийҙа 35 300, Ағиҙелдә — 27 600, Нефтекамала — 33 600, Салауатта — 31 200, Сибайҙа — 32 100, Стәрлетамаҡта һәм Благовещенда — 35 700, Баймаҡта — 28 900, Бәләбәйҙә һәм Мәләүездә — 31 000, Белоретта — 33 000, Бөрөлә — 33 500, Дәүләкәндә — 28 400, Дүртөйлөлә — 32 500, Яңауылда — 32 000, Туймазыла — 34 100, Учалыла 32 300 һум.
Дөйөм майҙандың квадрат метрының уртаса баҙар хаҡы күрһәткесе республикала теркәлгән һәм даими йәшәгән, торлаҡ шарттарын яҡшыртыуға мохтаж граждандар өсөн бүленгән субсидиялар күләмен иҫәпләү өсөн файҙаланыла. Һүҙ федераль һәм республика ҡаҙнаһы аҡсаһы иҫәбенә төҙөлөштә ҡатнашыу йәки торлаҡ һатып алыу өсөн бирелгән субсидиялар тураһында бара.
Читайте нас