Рөстәм Хәмитов Рәсәй Фәндәр академияһы Урал бүлексәһенең Иҡтисад институты директоры Александр Татаркин менән осрашты

Андрей Старостин

IMPORT Сервисный

ӨФӨ, 2015 йыл, 17 сентябрь. /«Башинформ» мәғлүмәт агентлығы, Илья Спиридонов/. 16 сентябрҙә Республика йортонда Башҡортостан Башлығы Рөстәм Хәмитов Рәсәй Фәндәр академияһы академигы, иҡтисад фәндәре докторы, профессор, Рәсәй Фәндәр академияһы Урал бүлексәһенең Иҡтисад институты директоры Александр Татаркин менән осрашты. Осрашыу барышында республиканың социаль-иҡтисади үҫеш мәсьәләләре тикшерелде.

– Һигеҙ ай эсендә сәнәғәт етештереүе индексы 100,5 процент тәшкил иткән. Һалымдар буйынса 14 процентҡа күберәк. Әммә был һумдың девальвацияһына бәйле. Беҙҙең экспортлаусылар ярайһы уҡ табыш ала, шуға күрә һалымдар ҙа байтаҡ. Инвестиция эшмәкәрлеге яҡынса 3-4 процентҡа артҡан, – тине Рөстәм Хәмитов.

Шуның менән бергә, төбәк Башлығы һүҙҙәренсә, ҡайһы бер күрһәткестәрҙең кәмеүе күҙәтелә. Мәҫәлән, нефть эшкәртеү күләме 15-16 процентҡа, ваҡлап һатыу – 12-13, күмәртәләп һатыу – 15, йөк ташыу 7-8 процентҡа кәмегән.

Ауыл хужалығы тураһында һөйләгәндә, Рөстәм Хәмитов, йыл аҙағына һөт етештереүенең артыуы көтөлә, тип билдәләне.

– Ошо йыл 2014 йылға ҡарағанда яҡшыраҡ буласағы көн кеүек асыҡ. Һөт буйынса беҙ Татарстан менән алдынғылар рәтендә. Беҙ ауылды үҫтерергә, юғары технологиялы хужалыҡтар булдырырға теләйбеҙ, – тине республика етәксеһе. – Бөгөн шәхси ярҙамсы хужалыҡтар ауыл хужалығы продукцияһының 60 процентын етештерә. Был беҙҙең өсөн дөрөҫ түгел. Беҙгә «индустриаль рельстарға» күсергә кәрәк».

Төбәк Башлығы фекеренсә, уйланылған инвестиция сәйәсәте, уңайлы инвестиция мөхите булдырыу ошо мәсьәләне хәл итергә ярҙам итергә тейеш.

Александр Татаркин төбәк власының фән менән хеҙмәттәшлеген ыңғай күренеш тип баһаланы. Уның фекеренсә, ҡулланыусылар кооперацияһын үҫтереү, маҡсатлы инвестиция сәйәсәте, шулай уҡ дәүләт-шәхси партнерлыҡты, шул иҫәптән төбәк-ара кимәлдә лә, үҫтереү заманса этапта төп бурыстар булып тора.

#эшлекле осрашыуҙар #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.