Рөстәм Хәмитов «Газпром» асыҡ акционерҙар йәмғиәте идараһы рәйесе урынбаҫары Виталий Маркелов менән осрашты

Андрей Старостин

IMPORT Сервисный

ӨФӨ, 2014 йыл, 27 декабрь. /«Башинформ» мәғлүмәт агентлығы, Илья Спиридонов/. 26 декабрҙә Республика йортонда Башҡортостан Президенты Рөстәм Хәмитов «Газпром» асыҡ акционерҙар йәмғиәте идараһы рәйесе урынбаҫары Виталий Маркелов менән осрашыу үткәрҙе. Яҡтар артабанғы хеҙмәттәшлек юлдарын, шул иҫәптән газ һурҙырыу агрегаттары өсөн двигателдәр эшләү буйынса берлектәге предприятиелар булдырыу, Өфө дәүләт нефть техник университетын «Газпром» асыҡ акционерҙар йәмғиәтенең терәк вуздары иҫәбенә индереү, шулай уҡ 2016 йылда Өфөлә компания хеҙмәткәрҙәренең Ҡышҡы спартакиадаһын уҙғарыу мәсьәләләрен тикшерҙе.

Виталий Маркелов бөгөн республика предприятиеларының сәнәғәт потенциалы менән танышыуы хаҡында һөйләне.

– Беҙ импортты алмаштырыуҙы тормошҡа ашырыуҙы ойоштороу күҙлегенән илдә машиналар төҙөүҙе артабан үҫтереү эшен ҡараныҡ, – тине компания идараһы рәйесе урынбаҫары. – «Газпром»да импорт ҡорамалдары аҙ файҙаланыла, әммә улар бар. Был дөйөм комплекстар составына ингән махсус ҡорамалдар, программа тәьминәте, ҡайһы бер элементтар менән бәйле. Шуға күрә беҙҙең бурысыбыҙ – уны тиҙ арала тулыһынса сикләүгә өлгәшеү.

Хәтерегеҙгә төшөрәбеҙ, 2014 йылдың сентябрендә Башҡортостан Республикаһы Хөкүмәте һәм «Газпром» асыҡ акционерҙар йәмғиәте араһындағы килешеү сиктәрендә «Башҡортостан Республикаһы ойошмаларының юғары технологик, шул иҫәптән импортты алмаштырыусы продукцияларын файҙаланыуҙы киңәйтеү» проектының «юл картаһы» раҫланды. Ул компания объекттарында файҙаланылған илебеҙҙең эффектив технологияларын, ҡорамалдарын, системаларын һәм материалдарын, программа продукттарының өлөшөн үҫтереү буйынса аныҡ аҙымдарҙы күҙаллай. Проектты ғәмәлгә ашырыу республикала юғары технологик продукциялар сығарыусы ойошмаларҙың етештереү, шулай уҡ «Газпром» асыҡ акционерҙар йәмғиәте өсөн продукттар һәм хеҙмәттәрҙең күләмен арттырыуға, ғилми-техник һәм сәнәғәт потенциалының үҫешенә, инновацион импортты алмаштырыусы ҡорамалдар менән йыһазландырыуға йоғонто яһаясаҡ.

Рөстәм Хәмитов республиканың АЛ-31СТ двигателе базаһында газ һурҙырыу агрегаттары приводтарын эшләү буйынса проектты ғәмәлгә ашырыу менән ҡыҙыҡһыныуын белдерҙе.

Бөгөнгө көндә газ һурҙырыу агрегаттары өсөн АЛ-31СТ двигателдәрен йыйыу, һынап ҡарау, ремонтлау һәм сервис хеҙмәтләндереүе буйынса «Өфө моторҙар эшләү берекмәһе» (УМПО), «Газпром» асыҡ акционерҙар йәмғиәттәре һәм Башҡортостан Республикаһының берлектәге предприятиеһын булдырыу мәсьәләһе ҡарала. Быға тиклем «Өфө моторҙар эшләү берекмәһе» асыҡ акционерҙар йәмғиәтендә ошо двигателдәрҙе сериялы сығарыу үҙләштерелгән булған. Хәҙер иһә хәрби авиация өсөн двигателдәр эшләүгә заказдар күләменең артыуына бәйле был профилле йүнәлештәрҙән һаналмай.

#сәнәғәт #газпром #бр президенты

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.