Вторник, 26 Мая 2026

Уфа

+29 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

09:04 (UTC+5), 31 Января 2014

2013 йылда Башҡортостан Контроль-иҫәп палатаһы 8 миллиард һумдан ашыу суммалыҡ боҙоуҙар асыҡлаған

Розалия Вәлиева

2013 йылда Башҡортостан Контроль-иҫәп палатаһы 88 контроль һәм эксперт-аналитик сара үткәргән, республика бюджет системаһынан средстволар килгәндә һәм улар менән файҙаланғанда, дәүләт мөлкәте менән идара иткәндә 8 миллиард һумдан ашыу суммалыҡ боҙоуҙар һәм етешһеҙлектәр асыҡланған. Был хаҡта 30 ғинуарҙа БР Контроль-иҫәп палатаһы коллегияһы ултырышында билдәле булды, уның эшендә БР Хөкүмәте премьер-министрының беренсе урынбаҫары Рөстәм Мәрҙәнов, республика Йәмәғәт именлеге ведомство-ара советы секретары Рәмил Исҡужин ҡатнаштылар.

- Ул был средстволар урланған тигәнде аңлатмай, — тип билдәләне БР Контроль-иҫәп палатаһы рәйесе Салауат Харасов. — Боҙоуҙарҙың байтаҡ күләме дәүләт ресурстарын нигеҙһеҙ һәм файҙаһыҙ ҡулланыу менән бәйле. 2 миллиард 200 миллион һум аҡса кире ҡайтарылған, 700 миллион һумдан ашыу суммалыҡ бюджет юғалтыуҙарына ҡаршылыҡ ҡуйылған.

2013 йылда аудиторҙар мәктәпкәсә белем биреү һәм һаулыҡ һаҡлау өлкәһендә средстволар менән ҡулланыуҙы тикшергән, ветерандарға, инвалидтарға һәм йәш ғаиләләргә дәүләт ярҙамы сараларын анализлаған, юл төҙөүгә, торлаҡ-коммуналь хужалыҡты реформалауға бәйле торлаҡ программаларын һәм сараларын тормошҡа ашырыуҙа бюджет инвестицияларының һөҙөмтәлелеген иҫәпләгән.

Экологик проблемаларҙы һәм тәбиғәтте һаҡлау сараларын хәл итеүгә бүленгән ресурстарҙы ҡулланыу мәьсәләһенә айырыуса иғтибар бүленгән. Әлеге ваҡытта тамамланмаған социаль объекттар төҙөлөшө күләменең мониторингы алып барыла. Һуңғы өс йылда БР Капиталь төҙөлөш идаралығының тамамланмаған объекттар күләме 14 миллиард һумдан 8 миллиадр һумға тиклем кәмегән.

2013 йылда 15 енәйәт эше асылған, административ яуаплыҡҡа 39 вазифалы һәм юридик кешеләр тарттырылған.

Белем биреү өлкәһендә мәктәпкәсә белем биреү учреждениеларында белгестәр кәрәклеге тураһында мәғлүмәт банкы ойошторолған, балалар йорттарында бер тәрбиәләнеүсене ҡарауға сығымдарҙың нормативы раҫланған. Тәбиғәттән файҙаланыу өлкәһендә төрлө ҡалдыҡ төрҙәре менән типлаштырылған эш итеү тәртибе эшләнгән, паспорт кадастрына 894 файҙалы ҡаҙылма ятҡылыҡтары индерелгән. Фән өлкәһендә ғилми тикшеренеүҙерҙе коммерциялаштырырға, интеллектуал эшмәкәрлек һөҙөмтәләренән табыш алыуҙы тәьмин итергә маташалар. Аудиторҙар шулай уҡ агросәнәғәт комплексындағы хәлде өйрәнә: ауыл хужалығы саралары эшенең һөҙөмтәлелегенә бәйле субсидиялар биреүҙе ҡарай. Бынан тыш, тоҡомло көтөүгә экспертиза үткәреү буйынса комиссия булдырылған. Шулай уҡ Контроль-иҫәп палатаһы, лабаратория һынауҙары һығымталарынан һуң, Өфөлә төҙөлөш этаптарын ҡабул итеү менән шөғөлләнә, Өфөнөң 80 урамына паспорттар эшләнгән.

2014 йылда Контроль-иҫәп палатаһы белгестәре контроль һәм күҙәтеүҙең яңы алымдарын ҡулланырға, дәүләт ресурстарын ҡулланыу һөҙөмтәлелеге аудитын индерергә, сығым йөкләмәләре, шулай уҡ республиканың дәүләт программалары өлөшөндә закон проекттарына, норматив хоҡуҡи акттарға экспертиза үткәрергә планлаштыра.

Контроль һәм эксперт-аналитик саралар йомғаҡтары буйынса 40 республика норматив-хоҡуҡи актына үҙгәртеүҙәр ҡабул ителгән һәм индерелгән. Күбеһенсә улар социаль яҡланмаған халыҡ ҡатламына ярҙам итеү, дәүләт мөлкәте менән идара итеү, тәбиғәтте һаҡлау эшмәкәрлеге, ауыл хужалығы өлкәһендә дәүләт ярҙамы мәсьәләләрен һәм муниципаль берәмектәр инфраструктураһы үҫеше проблемаларын көйләү өлкәләрендә яйға һалыуға ҡағылды.

1 из 12

#контроль-иҫәп палатаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.