Башҡортостандың алты районында шәкәр сөгөлдөрөн йыйыуға төштөләр

Галина Бахшиева

Башҡортостан хужалыҡтары шәкәр сөгөлдөрөн йыйыуға төштөләр. БР Ауыл хужалығы министрлығының матбуғат хеҙмәтенән хәбәр итеүҙәренсә, бөгөнгө көнгә был культураны алты район аграрийҙары йыя башлаған.

Әлеге ваҡытта шәкәр сөгөлдөрө 595 гектар майҙанда ҡаҙып алынған. Иң юғары эш темптары Баҡалы районында күҙәтелә, унда был техник культура өсөн бүленгән майҙандарҙың 10 процентында сөгөлдөр йыйылған.

Төбәктә уртаса уңыш гектарынан 342 центнер тәшкил итә, әлеге ваҡытта 20,3 мең тоннанан ашыу татлы тамыраҙыҡ ҡаҙып алынған. Шул уҡ ваҡытта иң юғары уңыш Благовар районында теркәлгән, унда гектарынан 528 центнер сөгөлдөр йыйып алалар.

Иҫегеҙгә төшөрәбеҙ, яҡынса күҙаллауҙар буйынса, республикала һәр гектарҙан 250-шәр центнер шәкәр сөгөлдөрө йыйып алыу планлаштырыла. 2013 йылда Башҡортостанда был культура йәмғеһе 55,2 мең гектар майҙанда сәселде. Үткән йыл менән сағыштырғанда, был 1,5 процентҡа күберәк.

Насар һауа шарттары арҡаһында сәсеүлектәрҙең бер өлөшө һәләк булды, шуға күрә республика аграрийҙары шәкәр сөгөлдөрөн 52,6 мең гектар майҙанда, йәғни сәсеүлектәрҙең 95 процентында йыйып аласаҡ.

#ауыл хужалығы #миҙгелле эштәр

Присоединяйтесь — больше и быстрее в наших соцсетях:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».