Вторник, 14 Апреля 2026
|
Уфа
+12 °С
07:17 (UTC+5), 17 Апреля 2012
Коммерцияға ҡарамаған ойошмаларҙың 40 социаль проекты федераль субсидиялар аласаҡ
Әлфиә Шәрәфетдинова
Башҡортостанда федераль бюджеттан субсидиялар алыуға хоҡуҡлы коммерцияға ҡарамаған ойошмалар билдәләнде. Комиссия ҡарары буйынса, конкурстың һуңғы этабына үткән социаль йүнәлешле 40 проекттың барыһы ла финанс ярҙамы алыуға лайыҡ, тип хәбәр иттеләр БР Иҡтисади үҫеш министрлығының матбуғат хеҙмәтендә.
Конкурс министрлыҡ менән быйыл ғинуарҙа иғлан ителгәйне. Ҡатнашыусылар әсәлек һәм балалыҡҡа ярҙам итеү, ололарҙың йәшәү сифатын күтәреү, инвалидтарҙы адаптациялау, ижад һәм күмәк кеше ҡатнашлығындағы спортты үҫтереү, тирә-яҡ мөхитте һаҡлау кеүек социаль әһәмиәтле проблемаларҙы хәл итеүгә йүнәлтелгән программаларҙы тәҡдим итте.
Йәмғеһе 126 заявка килде. Бөтә критерийҙарға ла тап килгән 40 проект финалға үтте.
— Республика башҡарма власть органдары, БР Йәмәғәт палатаһы, киң мәғлүмәт саралары вәкилдәренән торған конкурс комиссияһының йомғаҡлау ултырышы һөҙөмтәләре буйынса социаль йүнәлешле коммерцияға ҡарамаған ойошмаларҙың барыһына ла ярҙам итергә, уларға программаларында күрһәтелгән күләмдә аҡса бүлергә ҡарар ителде, — тинеләр БР Иҡтисади үҫеш министрлығының матбуғат хеҙмәтендә.
Субсидияларҙы, атап әйткәндә, «Йылдарым – байлығым» пенсионерҙар өсөн координация-ресурс үҙәге» төбәк йәмәғәт ойошмаһы (бер миллион 500 мең һум), «Башҡортостан инвалид балаларҙың ата-әсәләре ассоциацияһы» йәмәғәт ойошмаһы (БАРДИ) (бер миллион 24 мең һум) һәм башҡалар аласаҡ.
Еңеүселәрҙең тулы исемлеге һәм уларға бүленәсәк ярҙам күләме менән БР Иҡтисади үҫеш министрлығының сайтында танышырға мөмкин.
© 1992-2026 АО ИА «Башинформ».
www.bashinform.ru
www.bashinform.ru
Эл. почта
inf@bashinform.ru
Адрес
450077, Уфа, Кирова, 45
Рекламная служба
(347) 250-11-11
Редакция
(347) 250-07-28
Приемная
(347) 250-05-07
Сотрудничество
(347) 250-06-14
Отдел кадров
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».