Среда, 15 Апреля 2026

Уфа

+11 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Иҡтисад

11:11 (UTC+5), 03 Апреля 2012

Өфөлә ХII «Туризм. Спорт. Ял. Шифаханалар» төбәк-ара күргәҙмәһе асылды

Любовь Колоколова | фото: Олег Яровиков

Өфөнөң «Нефтсе» мәҙәниәт һарайында бөгөн ХII «Туризм. Спорт. Ял. Шифаханалар» төбәк-ара күргәҙмәһе асылды.

Төбәктең Эшҡыуарлыҡ һәм туризм буйынса дәүләт комитеты, Башҡортостан Республикаһының Йәштәр сәйәсәте һәм спорт министрлығы, Һаулыҡ һаҡлау министрлығы, Мәғариф министрлығы ярҙамында сараны «БашЭКСПО» күргәҙмә үҙәге ойоштора.

Күргәҙмәлә Башҡортостан, Урал, Волга буйы һәм Рәсәйҙең башҡа төбәктәренән, шулай уҡ яҡын сит илдәрҙән унлаған предприятие экспозициялары эшләй. Улар спорт-туристик ҡорамалдар, спорт кейемдәре һәм инвентары, кемпинг, ял һәм балыҡ тотоу өсөн тауарҙар тәҡдим итә. Башҡортостан, Краснодар крайы һәм башҡа перспективалы төбәктәрҙең шифахана һәм профилакторийҙары, ял базаһы һәм спорт лагерҙары күргәҙмә ҡунаҡтары өсөн – йәйге ял төрҙәрен, ә туристик фирмалар яңы ҡыҙыҡлы маршруттар тәҡдим итә.

Сараны асыу тантанаһында БР Эшҡыуарлыҡ һәм туризм буйынса дәүләт комитеты рәйесе Руслан Кинйәкәев, Башҡортостандың Туриндустрия союзы рәйесе Кинйә Кускилдин, министрлыҡтар вәкилдәре ҡатнашты.

Руслан Кинйәкәев һүҙҙәренсә, һуңғы ваҡытта өлкәлә ҙур үҙгәрештәр булды. Шулай итеп, финанслау күләмдәре 40 тапҡырға арттырылды, Башҡортостанда эске һәм ситтән килеү туризмын үҫтереү буйынса оҙайлы сроклы маҡсатлы программа ҡабул ителде, икенсе йыл инде социаль туризм программаһы бойомға ашырыла. Республиканың күпселек муниципаль берәмектәре туристик паспорттарын булдырҙы. Дәүләт комитеты сайтында «Барыһы ла туризм хаҡында» бүлеге эшләп килә, унда төбәктең туристик мөмкинлектәре тураһында тулы мәғлүмәт алып була.

Шуны ла билдәләп үтергә кәрәк, эш программаһы сараларға бай: күргәҙмә сиктәрендә презентациялар, семинарҙар һәм түңәрәк өҫтәлдәр үткәреләсәк.

Күргәҙмә 5 апрелгә тиклем эшләйәсәк.

1 из 20

#туризм #күргәҙмәләр

Присоединяйтесь — больше и быстрее в наших соцсетях:

Рубрики

Телефон

(347) 250-05-07

Адрес

450077, Өфө, Киров урамы, 45

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

Отдел кадров

ok@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.