Башҡортостанда халыҡтың коммуналь хеҙмәттәр өсөн туранан-тура иҫәпләшеүе варианты ҡарала

Ғәлиә Нәбиева

Кисә Башҡортостан Хөкүмәте Президиумы ултырышында ресурстар менән тәьмин итеүсе ойошмалар менән туранан-тура иҫәпләшеүгә күсеү мөмкинлеге тикшерелде. Рәсәй Торлаҡ кодексы идарасы компаниялар эшмәкәрлегенең һөҙөмтәлелеген күтәреү өсөн ошо механизмды күҙ уңында тота.

— Идарасы компанияларҙа коммуналь түләүҙәрҙе тотҡарлап, икенсе тәғәйенләнештә файҙаланыу теләге тыумаһын өсөн, ҡулланған ресурстар өсөн йорттарҙа йәшәүселәр яғынан тәьмин итеүсе компанияларҙы финанслауҙың тура каналы булырға тейеш, — тип иҫәпләй Башҡортостандың Торлаҡ-коммуналь хужалыҡ министры Ирек Ялалов.

Әле Рәсәйҙең Төбәктәр үҫеше министрлығы кимәлендә ошондай система өҫтөндә эшләйҙәр. Шулай итеп, идарасы компаниялар торлаҡ фондынан файҙаланыуҙы контролдә тотоу өсөн ҡаралған аҡсаны ғына ала аласаҡ.

— Идарасы компанияларға хеҙмәте өсөн беҙ коммуналь түләүҙә ҡаралғандың 20-26 процентын ғына түләйбеҙ, — тине Ирек Ялалов. – Ҡалғанын, ә был квитанциялағы сумманың 70 проценттан ашыуы, беҙ ресурстар - һыу, йылы, һыу бүлеү, газ өсөн түләйбеҙ. Шуға күрә был түләүҙәрҙе идарасы компания йөҙөндәге аралашсыһыҙ башҡарырға кәрәк.

Хәтерегеҙгә төшөрәйек, октябрҙә Дәүләт Советы Президиумы ултырышы йомғаҡтары буйынса Дмитрий Медведев граждандарҙың торлаҡ-коммуналь хеҙмәттәр өсөн түләүҙәрен бүлеү механизмын ҡулланыуға йүнәлтелгән норматив хоҡуҡи акттарҙы ҡабул итеүҙе тиҙләтергә ҡушты.

«Түләүҙәрҙе бүлеү» механизмы торлаҡ-коммуналь хеҙмәттәр өсөн айырым компанияларға түләүҙе күҙ уңында тота. Коммуналь хеҙмәттәр өсөн түләгән документта хеҙмәт күрһәткән бөтә ойошмалар ҙа күрһәтеләсәк.

Шулай итеп, граждан аҡсаны әлеге кеүек идарасы компанияға түгел, ә аныҡ ойошмаларға түләйәсәк, идарасы компаниялар иһә күрһәткән хеҙмәттәре өсөн үҙҙәренә тейешле аҡсаны ғына аласаҡ. Ә түләү ҡағыҙы бер нисәүгә бүленмәй, әүәлгесә берҙәм булып ҡаласаҡ.

#торлаҡ-коммуналь хеҙмәттәр #түләүҙәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.