Рөстәм Хәмитов: «Кешеләр алдында оло бурысыбыҙ бар»

Әлфиә Әһлиуллина

— Яҡшы етәксе телевидениела нисек сығыш яһауы һәм аңлайышлы һөйләүе менән түгел, ә өлгәшкән һөҙөмтәләре буйынса билдәләнә, — тине Башҡортостан Президенты Рөстәм Хәмитов, республика халҡы менән тура эфирҙа аралашыу барышында интернет аша Балтас районынан килгән хатҡа аңлатма биреп. Унда: «Башҡортостанда ошондай Президент булғанына ғорурланам. Ата-әсәйемдең яҡташы булған өсөн генә түгел. Ул һорауҙарға аныҡ яуап бирә, бер һүҙ менән әйткәндә, яҡшы етәксе», - тип яҙылғайны.

— Был осраҡта беҙ бөгөн, кәм тигәндә, Башҡортостан Республикаһында, иҡтисади үҫеш, табыш алыу өлөшөндә билдәләнгән планканы төшөрмәнек. Бынан тыш, 2011 йыл да ярайһы яҡшы башланды, бюджет керемдәре буйынса беҙ 20 проценттан ашыуға алда барабыҙ. Аныҡлап тормайым, сөнки һәр кеше кеүек үк күҙ тейҙерергә ҡурҡам, — тине республика башлығы. Уның билдәләүенсә, Башҡортостанға яҡшы ресурстар ағымы килә. Бер нисә миллиард һумлыҡ өҫтәмә табыштар барлыҡҡа килде, улар торлаҡҡа, социаль мәсьәләләрҙе хәл итеүгә йүнәлтеләсәк.

— Бынан тыш, беҙҙә сәнәғәт, нефть эшкәртеү, нефтехимия яҡшы һәм тотороҡло рәүештә үргә бара. Беҙ «Газпром нефтехим Салауат» һәм «Каустик» асыҡ акционерҙар йәмғиәттәре араһындағы бик ҡатмарлы конфликтты көйләүгә ирештек. Был да ҡаҙаныш — Салауаттан Стәрлетамаҡҡа этилен поставкалауға биш йыллыҡ контрактҡа ҡул ҡуйылды. Шулай уҡ, атап әйткәндә, Октябрьскийҙағы һатылмаҫ кеүек күренгән активтарҙы һатыуға өлгәштек. Машиналар эшләү өлкәһе лә яҡшы үҫешә. Йәғни, беҙ тыныс, тотороҡло, һәйбәт эшләйбеҙ. Ләкин беҙҙең өсөн был ғына аҙ, бөгөнгө хәлебеҙ шундай, бер аҙҙан бюджет беҙҙән ике тапҡыр арттырыуҙы талап итәсәк, — тип билдәләне Рөстәм Хәмитов.

Ошо осраҡта ғына, Президент фекеренсә, республика етәкселеге торлаҡ, юлдар, мәктәп, дауаханалар төҙөлөшөн тейешенсә финанслай аласаҡ.

— Беҙҙең кешеләр алдында оло бурысыбыҙ бар, — тине Рөстәм Хәмитов. — Был бурыс тиҫтәләгән йылдар дауамында йыйылып килде, совет власы уны һуңынан хәл итеүгә, коммунизмға ҡалдыра барҙы. Унан һуң килгән властар дәүләт мәсьәләләрен бик ауыр үҙгәртеп ҡороу заманында хәл итте, унда табыш алыу түгел, нисек иҫән ҡалырға, кешеләрҙе нисек ашатырға, тигән мәсьәләләр торҙо. Һәм был бурыс артты ла артты. Бөгөн беҙҙең, власть вәкилдәре булараҡ, кешеләргә күп нәмәне биреп бөтөрмәүебеҙ аңлашыла: торлаҡ өлөшөндә, социаль хеҙмәтләндереү, төҙөкләндереү, эш хаҡы өлөшөндә. Хәҙер быларҙың барыһын да бер юлы хәл итеп булмай,— тине Башҡортостан Президенты.

#бр президенты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.