Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
24 Декабрь 2010, 16:33

Башҡортостанда банкылар секторы Рәсәйгә ҡарағанда тиҙерәк аяҡҡа баҫа

— Башҡортостанда банкылар секторы бөтә донъя глобаль көрсөгөнән һуң Рәсәйҙәгегә ҡарағанда тиҙерәк аяҡҡа баҫа, – тип хәбәр итте йыл йомғаҡтарына арналған матбуғат конференцияһында Башҡортостан Республикаһы Милли банкы етәксеһе Рөстәм Мәрҙәнов.
Республикала банкылар секторы эшенә тотороҡлолоҡ хас: уҙып барыусы йылда түләүҙәр системаһы тотороҡло эшләне, республиканың бер банкы ла ябылманы, — тине Рөстәм Хәбиб улы.
Башҡортостанда Рәсәй менән сағыштырғанда банкылар системаһының йылдамыраҡ аяҡҡа баҫыуы төп күрһәткестәр буйынса билдәләнә. Мәҫәлән, әгәр 2010 йылдың 1 ноябренә Рәсәй Федерацияһында банк активтары 8,5 процентҡа үҫешһә, Башҡортостан Республикаһында иһә – 15,2 процентҡа. РФ буйынса кредит биреү күләме 8,7 процентҡа артһа, БР буйынса – 27,2 процентҡа. Рәсәйҙә халыҡ вкладтарының үҫеше 21,3 процент тәшкил итһә, Башҡортостанда – 25,3 процент. Тотош ил буйынса банкылар капиталы күләме 0,2 процентҡа артһа, республика буйынса – 9,3 процентҡа.
Рөстәм Мәрҙәнов, уҙып барыусы йылда Башҡортостандың банкылар секторында бөтә төп күрһәткестәр буйынса ыңғай үҫеш динамикаһы күҙәтелде, тип билдәләне. БР Милли банкы етәксеһе, 2010 йылда банкылар секторының килеме ике миллиард һумға яҡын тәшкил итте, ә 2009 йылда зыян алты миллиард һумға еткәйне, тип тә өҫтәне.
Автор:Светлана Ғәфүрова
Читайте нас: