Декабрҙә Өфөлә архитектор Маргарита Куприяноваға һәйкәл ҡуйыла

Черниковск ҡалаһының (хәҙер Черниковка – Өфөнөң төньяҡ өлөшө) баш архитекторы Маргарит Куприяноваға һәйкәлде декабрҙә ҡуйыу планлаштырыла. Был турала тура бәйләнеш ваҡытында республиканың баш ҡалаһы мэры Ратмир Мәүлиев белдерҙе.

– Эштәр туҡтаманы, аҙыраҡ төҙәтмәләр индерелде, декабрҙә ҡуйырға уйлайбыҙ, – тине мэр.

«Башинформ» хәбәр иткәнсә, был донъяла ҡатын-ҡыҙ архитекторға беренсе һәйкәл булмаҡсы.

Һәйкәл проектын – Башҡортостандың атҡаҙанған архитекторы Дмитрий Винкельман, һәйкәлдең эш моделен Рәсәйҙең атҡаҙанған рәссамы Хәниф Хәбибрахманов тәҡдим итте.

Скульптураны Черниковск ҡалаһының баш архитекторы исемен йөрөткән скверҙа, Первомайская һәм Ульяновтар урамдары сатында ҡуйыу планлаштырыла.

https://www.bashinform.ru/news/culture/2025-12-02/v-ufe-pamyatnik-arhitektoru-margarite-kupriyanovoy-ustanovyat-v-dekabre-4490756