Элвин Грей (Радик Юлъяҡшин) социаль селтәрҙәге сәхифәһендә Кавказ башҡарыусыһы Эльбрус Джанмирзоев менән яңы йырға клип төшөрөүе тураһында хәбәр итте.
— Бөгөн беҙ Эльбрус менән бергә йыр яҙҙырабыҙ, — тине Элвин Грей. — Йыр 20 декабрҙә сыға.
Башҡортостандың халыҡ артисы шулай уҡ аҙна һайын яңы йырҙары сығыуын билдәләне. Мәҫәлән, ноябрҙә Элвин Гүзәл Уразова менән яҙҙырылған өр-яңы йырын тәҡдим итте.
«Башинформ» хәбәр иткәнсә, Элвин Грей сәләмәтлеге менән проблемалары булыуға бәйле Башҡортостандағы концерттарын күсерҙе.