Өфөлә Мостай Кәримдең автографлы китаптары күргәҙмәһе асыла
16 октябрҙә Өфөлә Мәжит Ғафуриҙың мемориаль йорт-музейында халҡыбыҙҙың күренекле әҙибе Мостай Кәримдең тыуыуына 105 йыл тулыуға арналған «Мостай Кәримдең автографлы китаптары» тигән үҙенсәлекле күргәҙмә асыла.
Музей мөдире Ғәҙилә Бүләкова һүҙҙәренсә, күргәҙмәне асыу тантанаһында ҡасандыр Мостай Кәримдең автографын алыу бәхете тейгән яҙыусылар ҡатнаша. Музейға Рәшит Шәкүр, Әхиәр Хәкимов, Рафаэль Сафин, Ҡәҙим Аралбай, Тамара Искәндәриә, Хисмәт Юлдашев, Гөлназ Ҡотоева, Сабир Шәрипов, Рәйлә Күсемханова һәм башҡалар тапшырған автографлы китаптарҙы күрергә мөмкин.
Күргәҙмәлә Мостай Кәримдең хаттары, ҡулъяҙмалары, фотоһүрәттәре менән танышырға була.
6+
«Башинформ» Башҡортостандың Милли музейында Мостай Кәримдең тыуыуына 105 йыл тулыуға арналған күргәҙмә асылыуы хаҡында хәбәр иткәйне.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.