Miss Asia Awards-2023 конкурсында Рәсәй исеменән Өфө моделе Эльмира Шәйехова сығыш яһай

27 ноябрҙән 2 декабргә тиклем Сеулда Азия моделдәре араһында Miss Asia Awards-2023 модель премия-конкурсы үткәрелә. Рәсәйҙән унда Өфө моделе, моделдәр мәктәбе директоры һәм проекттар кураторы, «Мисс Республика-2018» исемен яулаған Эльмира Шәйехова сығыш яһай.

- Был матурлыҡ конкурсы түгел, ә Азия моделдәре араһында конкурс-премия. Проекттың төп маҡсаты - ҡатнашҡан һәр илдә Корея косметика брендтарының амбассадорҙарын билдәләү, - тип асыҡлыҡ индерҙеләр Luna Models моделдәр агентлығында. - Башта беҙ Башҡортостандан ғариза биргәйнек. Әммә ойоштороусылар Рәсәй исеменән сығыш яһауыбыҙҙы һорағас, шатланып ризалаштыҡ.

Бынан алдараҡ «Башинформ» башҡорт һылыуҡайы Эльмира Шәйехованың Global Model of the World конкурсында беренсе вице-мисс исемен алыуы хаҡында яҙғайны.

https://www.bashinform.ru/news/culture/2023-11-29/na-miss-asia-awards-2023-rossiyu-predstavlyaet-ufimskaya-model-elmira-shaihova-3542767