Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Мәҙәниәт
7 Сентябрь 2023, 14:59

Күмертау мәктәп-интернатында Юрий Шатуновҡа мемориаль таҡтаташ асылды

3-сө Башҡорт республика гимназия-интернаты
Фото: 3-сө Башҡорт республика гимназия-интернаты

Беренсе Президент Мортаза Рәхимов исемендәге Башҡорт республика гимназия-интернатында йырсы Юрий Шатуновҡа мемориаль таҡтаташ ҡуйылды. Кисә уҙған таҡтаташты асыу тантанаһы күренекле яҡташыбыҙҙың тыуыуына 50 йыл тулыуға арналды.

Сарала уҡыусыларҙан тыш, Мәскәүҙең «Наш Шатунов» фан-клубы ағзалары, шулай уҡ йырсының дуҫтары һәм башҡа ҡунаҡтар ҙа ҡатнашты, тип хәбәр ителә гимназияның «Бәйләнештә»ге рәсми төркөмөндә.

«Башинформ» хәбәр иткәнсә, 1982-1984 йылдарҙа Юрий Шатунов Күмертау мәктәбендә белем алған. Ул саҡта уҡыу йорто Ю.А. Гагарин исемендәге 2-се мәктәп-интернат тип йөрөтөлгән. Гимназияға таҡтаташ ҡуйыу идеяһын Мәскәү фанаттары тәҡдим иткән. Артистың һүрәте төшөрөлгән мемориаль таҡтаташты Новосибирскиҙа эшләгәндәр.

Хәтерегеҙгә төшөрәбеҙ, бер йыл элек «Башинформ» Күмертауҙа, Юрий Шатуновтың тыуған яғында, 3-сө Башҡорт республика гимназия-интернатының музыка кабинетына йырсының исемен биреүҙәрен хәбәр иткәйне.

https://www.bashinform.ru/news/culture/2023-09-07/v-bashkirii-na-zdanii-shkoly-internata-ustanovili-memorialnuyu-dosku-v-chest-yuriya-shatunova-3423434

Автор:Анастасия Другова
Читайте нас: