Өфөлә Башҡортостандың халыҡ шағиры Рәми Ғарипов тураһында нәфис фильмды монтажлау тамамланды
Рәми Ғариповтың тормошона һәм ижадына арналған «Шағир көндәлеге» нәфис фильмын монтажлау тамамланды. Хәтерегеҙгә төшөрәбеҙ, быйыл республикала Башҡортостандың халыҡ шағирының тыуыуына 90 йыл тулыу киң билдәләнә.
Фильм башҡорт режиссеры Булат Йосопов етәкселегендә төшөрөлә. «Әлеге ваҡытта бөтә тауыштар ҙа тиерлек яҙҙырылған, бер артист та һынатманы, кинокартина персонаждарының тауышы шәп», — белдерҙе проекттың ижади төркөмө.
Июлдә Өфө сәнғәт училищеһының концерт залында Башҡортостан Республикаһының Милли симфоник оркестры башҡарыуында фильмға музыка яҙҙырылды. Музыка авторҙары — композиторҙар Илшат Яхин һәм Шәүрә Сәғитова.
Кадр артында рус теленә тәржемәләү ҙә тамамланып килә.
«Һоҡланғыс тауышлы, рус телмәре структураһын нескә аңлаған Александр Бызов — беҙҙең проект өсөн табыш. Тәржемә шәп, совет кинематографының иң яҡшы традициялары кеүек», — тип билдәләне фильмдың тауыш режиссеры Юлай Тауылбаев.
Хәтерегеҙгә төшөрәбеҙ, «Шағир көндәлеге» — республика тарихында тәүге халыҡ фильмы. Башҡортостан Башлығы, республиканың Мәҙәниәт министрлығы, Әмир Абдразаҡов исемендәге «Башҡортостан» киностудияһы, Бөтә донъя башҡорттары ҡоролтайы кинотаҫма төшөрөүҙе хупланы. Әлеге проект хаҡында 2019 йылдың авгусында билдәле булды. Ул саҡта халыҡ ярҙамы менән 1 миллион һумдан ашыу аҡса йыйылды, шунан һуң ижади төркөм фильм төшөрә башланы. Дәүләт яғынан фильмғат16 миллион һумлыҡ ярҙам күрһәтелде. Кинотаҫма башлыса Өфөлә, Шишмә районында, Һамарҙа төшөрөлдө.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.