Четверг, 30 Апреля 2026

Уфа

+7 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

10:44 (UTC+5), 25 Июня 2018

Республикала Шүлгәнташ мәмерйәһе 824 заманса граффитиҙан таҙартылған

автор

IMPORT Сервисный

ӨФӨ, 2018 йыл, 25 июнь. /«Башинформ» мәғлүмәт агентлығы, Ләйлә Аралбаева/.Башҡортостанда Шүлгәнташ мәмерйәһе 120 квадрат метрҙағы 824 заманса граффитиҙан таҙартылған. Был — вандалдарҙың уникаль тәбиғәт ҡомартҡыһы диуарында ҡалдырған яҙмаларҙың 80 проценты.

Ҡаяға төшөрөлгән сәнғәтте реставрациялау өлкәһендә халыҡ-ара белгес Эудалд Гуилламет (Андорра кенәзлеге) республиканың Бөрйән районында тарихи-мәҙәни мираҫты музеефикациялау буйынса Халыҡ-ара симпозиумда ошо хаҡта белдерҙе. Ул Шүлгәнташ мәмерйәһен һаҡлау буйынса саралар хаҡында һөйләне, мәмерйәнең таҙартыр алдынан һәм унан һуңғы торошон күрһәтте.

«Тәүҙә мин мәмерйәне теләһә нисек урынлашҡан ошондай яҙмаларҙан, ҡул эҙҙәренән таҙартып булмаҫ тип уйлағайным, сөнки улар ныҡ күп ине. Ҡая бик йомшаҡ, унда төрлө ысул менән яҙырға мөмкин. Уларҙың барыһын да фотоға төшөрөп, документ төҙөнөк. Һәр береһен ниндәй ысул менән төшөрөүҙәре аныҡланды», — ти реставратор.

Таҙартыу процесы бик мәшәҡәтле, ғилми-етештереү үҙәге хеҙмәткәрҙәре Эудалд Гуилламет етәкселегендә губка һәм һыу тултырылған пульверизатор менән таҙартты. Шулай уҡ улар күмер менән яҙылған хәрефтәрҙе юйыу өсөн скальпель һәм бамбук таяҡсаларын файҙаланды. Һырҙар мәмерйәләге туҙан һәм махсус буяуҙар менән ҡапланды.

Совет осоронда химик ҡәләм менән төшөрөлгән яҙмаларҙы юйыу ҡыйынғараҡ тура килде, тип билдәләне реставратор.

«Үҙемдең һәм археология институты исеменән илебеҙҙә ошондай ҙур күләмдәге эш башҡарылғаны өсөн оло хөрмәтемде һәм һоҡланыуымды белдерәм, — тине Рәсәй Фәндәр академияһы Археология институтының Палеосәнғәт үҙәге етәксеһе Екатерина Дэвлет (Мәскәү). — Мин байтаҡ ҡомартҡыларҙы күргәнем бар, ләкин Шүлгәнташҡа беренсе тапҡыр килгәс, туристарҙың ҙур ағымы арҡаһында шундай хәлдә булған мәмерйәгә хайран ҡалдым. Уны таҙартыу мөмкин түгел кеүек тойолдо. Был эш ҙур фәнни әһәмиәткә эйә, диуарҙы мультиспектраль төшөрөү алымы файҙаланылды. Һүрәттәр байтаҡҡа артты, әгәр Эудалд Гуилламет булмаһа, беҙ уларҙы бер ҡасан да күрмәҫ инек».

Рәсәйҙә был өлкәлә бер компетентлы белгес тә юҡ, һәм ошо реставраторҙы саҡырыу иң дөрөҫ ҡарар булды, тип һыҙыҡ өҫтөнә алды Екатерина Дэвлет.

«Эш тамамланмаған әле, бергәләп алға барырға кәрәк», — тип йомғаҡ яһаны реставратор.

Францияның тәжрибәле белгесе Эудалд Гуиламет етәкселегендә мәмерйә стеналарын таҙартыу һәм реставрациялау беренсе йыл ғына алып барылмай. Реставратор донъяның палеолит осоро рәсемдәре һаҡланып ҡалған башҡа мәмерйәләрҙә тикшеренеүҙәре менән билдәле. Уның эше һөҙөмтәһендә Шүлгәнташ мәмерйәһендә асыш яһалды: үҙенсәлекле дөйә һүрәте табылды.

1 из 6

http://www.bashinform.ru/news/1177736-v-bashkirii-peshchera-shulgan-tash-ochishchena-ot-824-sovremennykh-graffiti/

#шүлгәнташ мәмерйәһе #фән #археология

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.