80.19
+0.14
Башҡортостан һәм Өфө яңылыҡтары
93.01
+0.5
67.14
+0.25
26+ °C
Болотло
Бөтә яңылыҡтар
Мәҙәниәт
30 Май 2018, 10:55
Республикала төрки йәштәренең «Урал моңо» халыҡ-ара музыкаль ижад конкурс-фестивале башлана
ӨФӨ, 2018 йыл, 30 май. /«Башинформ» мәғлүмәт агентлығы, Ләйлә Аралбаева/. 7-10 июндә 2020 йылда Бөтә донъя Фольклориадаһын уҙғарыуға әҙерлек сиктәрендә Башҡортостанда төрки йәштәренең «Урал моңо» халыҡ-ара музыкаль ижад конкурс-фестивале үтә.
Өфө һәм Ишембай районы ҙур халыҡ-ара фестивалде уҙғарыу майҙансығы була.
Быйыл фестивалдә Рәсәйҙән Башҡортостан, Татарстан, Саха (Яҡут), Дағстан, Хакасия, Алтай, Мәскәү, Әстрхан өлкәһе һәм Ставрополь крайы; Төркиә, Ҡаҙағстан, Ҡырғыҙстан коллективтары һәм солистары ҡатнаша. Конкурс-фестиваль өс номинация буйынса үтә: яңғыҙ башҡарыусы йырсылар, вокал һәм вокал-инструменталь коллективтар, музыка ҡоралдарында яңғыҙ башҡарыусылар һәм коллективтар.
7 июндә киске сәғәт 9-ҙа Мәжит Ғафури исемендәге паркта «Етенсе күк» аттракционында тантаналы асыу була һәм конкурсанттар йәрәбә тарта.
8 июндә иртәнге сәғәт 10-да Х.Әхмәтов исемендәге Башҡорт дәүләт филармонияһында ҡатнашыусыларҙы тыңлау башлана.
9 июндә киске сәғәт 8-ҙә «Ватан» этно-паркында «Евразия йөрәге» халыҡ-ара сәнғәт фестивале сиктәрендә еңеүселәрҙе бүләкләү тантанаһы уҙа.
Фестиваль 10 июндә Ишембай районында Һабантуй халыҡ байрамы сиктәрендә Торатау эргәһендә гала-концерт менән тамамлана. Ул иртәнге сәғәт 11-ҙә башлана.
Тәүгә конкурс 1992 йылда Республика башҡорт эстрада һәм рок-музыка фестивале булараҡ уҙғарылды. 1995 йылда халыҡ-ара статус алған фестиваль традицион сараға әүерелә. Йылдан-йыл ул бик күп йәш таланттарға профессиональ сәхнәгә юл аса.
Сара милли төрки музыканы танытыусы һәләтле йәш башҡарыусыларҙы эҙләү һәм уларға ярҙам итеү маҡсатында уҙғарыла.
Ойоштороп ебәреүселәр – Рәсәй Мәҙәниәт министрлығы, В.Д. Поленов исемендәге Рәсәй дәүләт халыҡ ижады йорто булышлығында Башҡортостан Мәҙәниәт министрлығы.
Сараны Республика халыҡ ижады үҙәге, Өфө һәм Ишембай районы хакимиәттәре ойоштора.
http://www.bashinform.ru/news/1165804-v-bashkortostane-startuet-mezhdunarodnyy-konkurs-festival-muzykalnogo-tvorchestva-tyurkskoy-molodezh/
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».