Өфөләге Мостай Кәрим исемендәге скверҙы биҙәү эштәре тамамланды

автор фотоһы

IMPORT Сервисный

ӨФӨ, 2016 йыл, 30 сентябрь. /«Башинформ» мәғлүмәт агентлығы, Людмила Кузьмина/. Өфөләге Мостай Кәрим исемендәге скверҙы биҙәү эштәре тамамланды. Скверға ингән саҡта ике яҡтан граниттан яһалған бер төрлө тумба ҡуйылған, уларҙа башҡорт, рус һәм инглиз телдәрендә «Мостай Кәрим исемендәге сквер» тип яҙылған. Һәйкәлдә алтын хәрефтәр менән башҡорт һәм рус телдәрендә «Мостай Кәримгә — Башҡортостан халҡынан» тигән яҙыу барлыҡҡа килгән. Бынан тыш, гранит постаментта Мостай Кәрим, һәйкәлдең авторҙары һәм уны асыу ваҡыты тураһында мәғлүмәттәр бар: «Мостай Кәрим (Кәримов Мостафа Сафа улы) (1919 – 2005); Башҡортостандың халыҡ шағиры; Өфө ҡалаһының почетлы гражданы; Социалистик Хеҙмәт Геройы; СССР-ҙың Дәүләт һәм Ленин премиялары лауреаты; Һәйкәл 2013 йылдың 10 октябрендә асылған; Скульпторы – Рәсәйҙең халыҡ рәссамы А.Н.Ковальчук; Архитекторы — С.З. Илембәтов».

Өфө хакимиәте ташҡа яҙыу, тәбиғи материалдан иҫтәлекле билдәләр яһау һәм уларҙы ҡуйыу буйынса эштәрҙе башҡарыуҙы Өфө ҡалаһы ҡала округының махсус хеҙмәтләндереү комбинатына йөкмәтте. Эштәр быйыл август-сентябрь айҙарында башҡарылды һәм ике датаға: 21 сентябргә (шағирҙың үлгән көнө) һәм 20 октябргә (тыуған көнө) арналды.

Шулай итеп, яҡташтарының һорауы буйынса танылған шағир һәм яҙыусының тормош йылдары, уның Тыуған ил алдындағы хеҙмәттәре, һәйкәл авторҙарының исемдәре мәңгеләштерелде.

Иҫегеҙгә төшөрәбеҙ, 2019 йылда республика Башҡортостандың халыҡ шағиры Мостай Кәримдең тыуыуына 100 йыл тулыуҙы билдәләргә әҙерләнә.

1 из 5

#хәтер #төҙөкләндереү #мостай кәрим

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.