Борайҙан тағы бер яугир ил һағына баҫты
Борай районынан йәш яугир махсус хәрби операция зонаһына хеҙмәт итергә юлланды, тип хәбәр итә район хакимиәте башлығы Рушан Гәрәев. Муниципалитет башлығы геройҙың ғаиләһенә ярҙам итергә һәм терәк булырға вәғәҙә бирҙе.
«Беҙ һеҙҙең менән ғорурланабыҙ һәм ышанабыҙ! Бөтә район исеменән уға ныҡлы һаулыҡ, ҡыйыулыҡ, тиҙерәк өйөнә имен-һау әйләнеп ҡайтыуын теләйем, - тип яҙа Рушан Гәрәев үҙенең сәхифәһендә. - Беҙ күптән түгел махсус хәрби операция зонаһында хеҙмәт иткән яҡташтарыбыҙға тағы ла бер ылау гуманитар ярҙам ебәрҙек. Яҡташтарыбыҙҙан посылкалар — ойошмалар һәм район халҡы тарафынан йыйылған бөтә кәрәкле әйберҙәр һалдаттарға ебәрелде».
Иҫегеҙгә төшөрәбеҙ, Оборона министрлығы менән килешеү төҙөгән Башҡортостан хәрбиҙәре хеҙмәт итеүҙең тәүге йылында уҡ 3 920 мең һумға хоҡуҡлы, айлыҡ эш хаҡы 210 мең һумдан башлана. Башҡортостан Башлығы МХО-ла ҡатнашыуға килешеү төҙөүселәргә бер тапҡыр бирелә торған 1 миллион һумлыҡ түләүҙәрҙе 2025 йылдың 31 октябренә тиклем оҙайтты, тулыраҡ мәғлүмәтте башбат.рф сайтынан алырға мөмкин.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.