Айҙар Шәйәхмәтов Башҡортостан хөкүмәтенең МХО ветерандарына һәм ҡатнашыусыларына һәм уларҙың ғаилә ағзаларына ярҙам итеү мәсьәләләре буйынса департаменты етәксеһе итеп тәғәйенләнде. Был турала республика хөкүмәте вице-премьеры – спорт министры Руслан Хәбибов хәбәр итте.
Руслан Хәбибов Айҙар Шәйәхмәтов менән Башҡортостан Республикаһы Башлығы ҡарамағындағы МХО-ла ҡатнашыусыларға һәм уларҙың ғаилә ағзаларына ярҙам буйынса ведомство-ара комиссияһының сираттағы ултырышында таныштырҙы.
Иҫегеҙгә төшөрәбеҙ, Айҙар Шәйәхмәтов күптән түге генә фронттан ҡайтты. Алғы һыҙыҡта ул «Шаман» позывнойы менән Миңлеғәле Шайморатов исемендәге батальондың хәрби-сәйәси эштәр буйынса рота командиры урынбаҫары булып хеҙмәт итте.