Яҡташыбыҙ ире артынан алғы һыҙыҡҡа юлланған

Учалы районынан Ирина Байегетова ире артынан фронт һыҙығына юлланған. «Беренсе тирмә» проекты сиктәрендә ул ике аҙна хәрби госпиталдә эшләгән, тип хәбәр итте район башлығы Руслан Ғиләжетдинов.

Туғандарының ниҙәр тойоп, ниҙәр кисереүен һәм алғы һыҙыҡта ярҙамдың ни тиклем мөһим икәнен аңлаған Ирина Башҡортостан Республикаһы Башлығы Радий Хәбировтың ҡушыуы буйынса ойошторолған «Беренсе тирмә» ирекмәндәр проектына ҡушыла. Ике аҙна буйына ул Луганск госпиталдәренең береһендә яраланған яугирҙәргә ярҙам күрһәтә. Уның тормош иптәше, «Чили» позывнойлы яугир, әле алғы һыҙыҡта, улы иһә МХО ветераны.

«Яҡындары өсөн борсолоу уны өйҙә тоторға тейеш кеүек, әммә был Иринаны туҡтатмай. «Беренсе тирмә» проектында ҡатнашыусыларҙың ышанысы һәм сыҙамлығы яраланған егеттәрҙең рухын күтәрергә һәм хатта иң ҡатмарлы шарттарҙа ла өмөт бүләк итергә етә», — тип билдәләне Руслан Ғиләжетдинов.

https://www.bashinform.ru/news/svo/2026-03-25/zhitelnitsa-bashkirii-otpravilas-vsled-za-muzhem-na-na-liniyu-fronta-4626809