80.44
-0.08
Башҡортостан һәм Өфө яңылыҡтары
93.34
-0.03
67.63
-0.42
18+ °C
Болотло
Бөтә яңылыҡтар
Үҙебеҙҙекеләрҙе ташламайбыҙ
28 Август , 10:39
Башҡортостан Башлығы «Геройҙар ваҡыты» патриотик конкурсы еңеүсеһен бүләкләне
Өфөнөң Совет майҙанында IV «Геройҙар ваҡыты» Бөтә Рәсәй асыҡ патриотик йыр конкурсының гала-концерты уҙҙы.
Радий Хәбиров «Геройҙар ваҡыты» патриотик йыр конкурсында гран-при яулаған Лидия Трифонованы бүләкләне.
Хәтерегеҙгә төшөрәбеҙ, быйыл конкурсҡа Рәсәйҙең 31 төбәгенән 232 ғариза килде. Бүләк фонды 1 миллион һум тәшкил итте.
Гала-концерт башланыр алдынан Башҡортостан Башлығы Радий Хәбиров һәм абруйлы ҡунаҡтар Рәсәй Геройы, легендар комдив Миңлеғәле Шайморатов һәйкәленә сәскәләр һалды.
«27 августа Рәсәй Геройы, генерал Шайморатовтың тыуыуына 126 йыл тулды. Бөгөн бында Армия мәҙәниәте көндәренең йомғаҡлау саралары бара. Геройҙарыбыҙҙың бөйөклөгө һәм хәтере алдында баш эйәбеҙ. Бөйөк Ватан һуғышы, 112-се Башҡорт атлы дивизияһы геройҙары алдында, бөгөн был майҙанда иһә яңы быуын геройҙары – махсус хәрби операцияла ҡатнашыусылар, уларҙың ғаилә ағзалары, туғандары һәм яҡындары. Махсус хәрби операцияла ҡатнашыусыларға мөрәжәғәт итеп, тағы ҡабатлайым: беҙ һеҙҙең алдығыҙҙа баш эйәбеҙ, ғорурланабыҙ һәм һеҙҙе сикһеҙ хөрмәт итәбеҙ. Хеҙмәтегеҙ еңелерәк булһын, барығыҙ ҙа тыуған яҡтарығыҙға иҫән-һау ҡайтһын өсөн барыһын да эшләрбеҙ», – тине Радий Хәбиров һәм Ватан өсөн яуҙа һәләк булған геройҙарҙы бер минут тынлыҡ менән иҫкә алыуҙы һораны.
Бөгөн Совет майҙанында халҡыбыҙҙың һәм илебеҙҙең иң яҡшы йырҙары яңғырай, тип билдәләне республика етәксеһе.
«Мин беҙҙә Армия мәҙәниәте көндәрен ойошторорға тигән ҡарар ҡабул иткән Оборона министрлығына айырым рәхмәт һүҙҙәрен еткерәм. Был бик мөһим сара. Жюри рәйесе Ольга Борисовна Кормухинаға ҙур рәхмәт, ул инде дүртенсе йыл беҙҙең менән. Һоҡланғыс артист ҡына түгел, ә илебеҙҙең лайыҡлы гражданы. Барығыҙға ла тыныслыҡ, именлек һәм иртәгәһе көнгә ышаныс теләйем», – тине Башҡортостан Башлығы.
Республика етәксеһе МХО ветераны Дмитрий Ивановты генерал Шайморатов ордены менән бүләкләне һәм уға автомобиль асҡысы тапшырҙы.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».