Ҡырмыҫҡалыла МХО-ла һәләк булған яугирҙәр иҫтәлегенә мәсет төҙөлдө
Был изге эштә МХО-ла һәләк булғандарҙың туғандары ҙур матди ярҙам күрһәткән. Яңы Аллаһ йорто уларҙың иҫтәлегенә бағышланған.
Ошо көндәрҙә Ҡырмыҫҡалы районының Ҡарлыманбаш ауылында «Абдулла» мәсете асылды. Иҫке Бәпес ауыл советы хакимиәте башлығы Азамат Ғәйфуллин хәбәр итеүенсә, мәсет асыу тантанаһында Башҡортостан мосолмандарының Диниә назараты рәйесе Айнур Бирғәлин, Ҡырмыҫҡалы районы хакимиәте вәкилдәре, ауыл халҡы, ҡунаҡтар ҡатнашты.
Күмәкләп мәсет төҙөү эшен атҡарып сыҡҡандар. Айырыуса МХО-ла һәләк булған яугир Андрей Касьяновтың әсәһе Рәмзиә Фәйзи ҡыҙы Ғималетдинова ҙур матди ярҙам күрһәткән. Андрейҙың мосолман исеме – Абдулла, шуға күрә мәсеткә лә геройҙың исемен биргәндәр. Мәсет төҙөлөшөнә Миләүшә Миңлеғәле ҡыҙы Баязитова ла ҙур өлөш индергән, ҡыҙғанысҡа ҡаршы, уның улы Илназ һәм ире Илдар яуҙан әйләнеп ҡайтмаған.
Ҡарлыманбаш ауылында йәшәүселәр ҙә ситтә ҡалмаған, һәр кем хәленән килгәнсә аҡса биргән, шулай уҡ «Монолит», «Агрохим» йәмғиәттәре, Ҡырмыҫҡалы Юл ремонт-төҙөлөш идаралығы етәкселәре ярҙам иткән.
Ҡарлыманбаш халҡы мәсет тураһында күптән хыялланған. Бына, ниһайәт, уларҙың хыялы бойомға ашты. Мәсет асыу тантанаһы күмәкләп сәй эсеү, ихлас әңгәмәләр менән тамамланды. Махсус хәрби операция башланғандан алып яугирҙәр менән бергә булған Хәмзә хәҙрәт тә үҙенең хәтирәләре һәм тәьҫораттары менән уртаҡлашты.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.