Башҡортостандан аталы-уллы яугирҙәр Ватан һағына баҫты

Ҡырмыҫҡалы районынан атай менән ул Тыуған илде һаҡларға юлланды. Был хаҡта муниципалитет хакимиәтенән хәбәр иттеләр.

Тыуған илен яҡларға беренсе булып ғаилә башлығы Шамил Биктимеров юллана. Бөгөн ул илдең яңы төбәгендә махсус операция бурыстарын намыҫлы үтәй. Шамил Биктимеров оҙаҡ йылдар Прибельскийҙағы шәкәр заводында, һуңынан Рәсәйҙең төрлө төбәктәренә вахтаға йөрөп эшләй.

Хеҙмәтен тултырып ҡайтҡан кинйә улы Данил да 2023 йылдың июлендә ошондай ҡыйыу аҙымға бара. Ул илдең оборона министрлығы менән контракт төҙөй һәм хәҙер Әрмәнстан биләмәһендә хеҙмәт итә. Өлкән улы Фәтих Калининград өлкәһендә хеҙмәт иткән саҡта үҙенең ғаиләһен Мәскәүҙә Еңеү парадында күрһәтә. Әле ул илебеҙҙең төньяғында вахта ысулы менән эшләй.

Бер алышта 49 йәшлек Шамил Биктимеров яралана. Бөгөн яугир йәнә Ватан һағында.

«Геройыбыҙ Шамил Биктимеровтың төп һыҙаты – тыйнаҡлыҡ. Ул наградалар, һуғыш яланында күрһәткән батырлыҡтары тураһында һөйләргә яратмай. Әммә улдары Фәтих һәм Данил тураһында ғорурланып һөйләй. Уға һәм улдарына ныҡлы һаулыҡ, түҙемлек, Еңеү менән ҡайтыуҙарын теләйбеҙ!» –  тип һөйләнеләр Ҡырмыҫҡалы районы хакимиәтендә.

https://www.bashinform.ru/news/svo/2025-05-28/otets-i-syn-iz-bashkirii-vstali-na-zaschitu-rodinu-4254216