Республикала хәрби журналистарҙы социаль яҡлау тураһында закон әҙерләнә

Башҡортостан Дәүләт Йыйылышы республиканың хәрби журналистарына дәүләт ярҙамы тураһында закон проекты өҫтөндә эшләй. Законда киң мәғлүмәт саралары хеҙмәткәрҙәренең ошо категорияһының, хәрби журналистика ветерандарының статусы, уларға һәм уларҙың ғаиләләренә социаль гарантиялар билдәләнә. Был хаҡта Башҡортостан Дәүләт Йыйылышының матбуғат хеҙмәте хәбәр итә.

Республика парламенты рәйесе Константин Толкачев һүҙҙәренсә, һәләк булған хәрби хәбәрселәрҙең туғандарына һәм хеҙмәт бурыстарын үтәгәндә зыян күргән журналистарға түләүҙәр индереү планлаштырыла. Хәрби журналистика ветерандарына шифахана дауаланыу мөмкинлеге бирелә. Ярҙам сараларының аныҡ исемлеген республика хөкүмәте билдәләй.

Закон нормалары сит ил агенттарына, экстремизмға ҡағылышы булған кешеләргә, коммерция баҫмалары хеҙмәткәрҙәренә һ. б. ҡағылмай.

Хәбәр иткәнебеҙсә, «Башинформ»дың МХО биләмәһенән репортаждары Бөтә Рәсәй патриотик фестивалендә иң яҡшыһы тип танылды.

https://www.bashinform.ru/news/svo/2025-05-22/v-bashkirii-razrabatyvayut-zakon-o-sotsialnoy-zaschite-voennyh-zhurnalistov-4245954