Бөгөн Өфөлә МХО-ла һәләк булған Ильяс Ишбаев хөрмәтенә мемориаль таҡтаташ асылды. Ленин районы хакимиәте башлығы Олег Котов хәбәр итеүенсә, яугирҙең исеме үҙе уҡыған 2-се Башҡорт лицейында мәңгеләштерелде.
Ильяс Ишбаев фронтта пулеметсы булып хеҙмәт иткән. Батырлыҡ ордены, «Хәрби ҡаҙаныштары өсөн» миҙалы һәм «Запорожье өлкәһе алдындағы ҡаҙаныштары өсөн» миҙалы менән бүләкләнгән.
Бер алышта яҡташыбыҙ ҡаты яраланған. Ул рация аша ярҙамға саҡырған һәм яуҙаштары уны хәүефһеҙ урынға алып сыҡҡан. Ҡыҙғанысҡа ҡаршы, яугир алған яраларынан вафат булған.
«Яугир булыу, тимәк, мәңге йәшәү», — тип яҙа Олег Котов социаль селтәрҙәге сәхифәһендә.