Яҡташ яугирҙең ғаиләһендә унынсы сабый тыуған

Благовещен районынан «Әнис» позывнойлы яугирҙең һәм уның ҡатыны Ксенияның унынсы сабыйы тыуған. Был хаҡта район хакимиәте хәбәр итә.

Муниципалитетта белдереүҙәренсә, Ксения ирекмәнлек эшмәкәрлеге менән әүҙем шөғөлләнә, махсус хәрби операцияла ҡатнашыусыларға ярҙам күрһәтә. Районда тәүгеләрҙән булып яугирҙәр өсөн блиндаж шәмдәре һәм ҡоро душ әҙерләй башлай. Көнкүреш һәм ғаилә мәшәҡәттәренә ҡарамаҫтан, Ксения гуманитар йөк туплап, МХО биләмәһендәге иренә һәм уның яуҙаштарына алып барып тапшыра.

Уның ире, өлкән сержант «Әнис» 2022 йылдың авгусынан фронтта. Ксения тормош иптәше менән ғорурлана һәм уны ғаиләһе өсөн ысын терәк тип иҫәпләй.

Хәҙер «Әнис» отпускыла, балалар һәм йәштәр ҡатнашлығындағы  сараларға йөрөй, яуҙағы көндәре тураһында һөйләй. Ләкин ҡатыны менән яңы тыуған ҡыҙын бала табыу йортонан ҡаршы алырға өлгөрмәй, сөнки ул йәнә фронтҡа юллана.

https://www.bashinform.ru/news/svo/2025-04-22/v-mnogodetnoy-semie-uchastnika-svo-iz-bashkirii-rodilsya-desyatyy-rebyonok-4208356