Яҡташ яугир ДНР-ҙа ҡаланы азат иткәндә батырлыҡ күрһәткән

Учалы районынан махсус хәрби операция яугире, «Ҡолош» позывнойлы кесе лейтенант Донецк Халыҡ Республикаһының Запорожье ҡалаһында ВСУ позицияларын штурмға алғанда ҡыйыулыҡ һәм ҡаһарманлыҡ күрһәткән.

Командирҙың муниципалитет хакимиәте башлығы Руслан Ғиләжетдиновҡа ебәргән хатынан билдәле булыуынса, «Ҡолош»тоң төркөмө дошмандың ҡаты уты аҫтына эләккән.

Ауыр шарттарға ҡарамаҫтан, башҡорт яугиренең тәүәккәл эш итеүе штурмовиктарға үҙҙәренең рухын күтәрергә, дошман позицияларын баҫып алырға һәм тотоп ҡалырға, контрһөжүмгә юл ҡуймаҫҡа ярҙам иткән. 

Был хаҡта Рәсәйҙең Оборона министрлығы ла хәбәр иткәйне.

«Үҙәк» ғәскәрҙәр төркөмө подразделениелары Донецк Халыҡ Республикаһының Запорожье ҡалаһын азат итеүгә өлгәште», — тиелә Оборона ведомствоһының 2025 йылдың 30 мартындағы белдереүендә.

Әйткәндәй, «Ҡолош» хәрби бурыстарын үтәгәндә күрһәткән фиҙакәрлеге һәм ҡаһарманлығы өсөн Жуков миҙалы һәм миҙалдар менән бүләкләнгән.

https://www.bashinform.ru/news/svo/2025-04-15/uchastnik-svo-iz-bashkirii-proyavil-geroizm-pri-osvobozhdenii-goroda-v-dnr-4198863