Бөгөн Башҡортостан Башлығы Радий Хәбиров хөкүмәттең оператив кәңәшмәһе барышында махсус хәрби операцияла ҡатнашыусыларға дәүләт наградалары тапшырҙы.
Рәсәй президенты Владимир Путин указы менән «Башҡортостан» полкы Таһир Күсимов исемендәге батальонының өлкән сержанты Николай Борисов «Һәләк була яҙғандарҙы ҡотҡарған өсөн» миҙалы менән бүләкләнде.
Башҡортостан Башлығы указы менән 12-се айырым гвардия Кёнигсберг-Городок Ҡыҙыл Байраҡлы инженер бригадаһының рота командиры урынбаҫары, гвардия лейтенанты Денис Кочев генерал Шайморатов орденына лайыҡ булды.