Башҡортостанда МХО-ла ҡатнашыусылар өсөн кадрҙар программаһы март аҙағына тиклем оҙайтылды

Башҡортостанда махсус хәрби операцияла ҡатнашыусыларҙы «Башҡортостан геройҙары» программаһында ҡатнашыу өсөн теркәү ваҡыты 2025 йылдың 31 мартына тиклем оҙайтылды.

Башҡортостандан МХО-ла ҡатнашыусылар алғы һыҙыҡта хәрби бурыстарын үтәгәндә ҡыйыулыҡ һәм ҡаһарманлыҡ күрһәтә, тип билдәләне республика етәксеһе Радий Хәбиров.

Хәрби хеҙмәткәрҙәр араһында яҡшы идарасылар, дәүләт һәм муниципаль хеҙмәткәрҙәр өсөн мөһим сифаттарға эйә булғандар бар, тине Радий Хәбиров.

Хәтерегеҙгә төшөрәбеҙ, Владимир Путиндың ҡушыуы буйынса ил төбәктәрендә «Геройҙар дәүере» федераль кадрҙар программаһы кеүек махсус хәрби операцияла ҡатнашыусылар араһынан идарасылар әҙерләү программалары эшләй. Республикала ул «Башҡортостан геройҙары» тип атала, программа 2025 йылдың 24 февралендә старт алды. Был хаҡта республика Башлығы Радий Хәбиров иғлан итте.

10 мартҡа ҡарата унда ҡатнашыу өсөн 900-ҙән ашыу ғариза теркәлгән. Уларҙың яртыһынан ашыуы – алғы һыҙыҡтағы яугирҙәр. Ғариза тапшырыусыларҙы 93% — республикабыҙҙан, ә 7% —Рәсәйҙең 36 төбәгенән.

Рәсәй Президентының Волга буйы федераль округындағы тулы хоҡуҡлы вәкиле Игорь Комаров һүҙҙәренсә, Волга буйы федераль округында төбәк кадрҙар программаларында 5 меңдән ашыу кеше теркәлгән.

Ҡатнашыу шарттары тураһында тулыраҡ – героиБашкортостана.рф сайтында.

 https://www.bashinform.ru/news/svo/2025-03-13/v-bashkirii-kadrovuyu-programmu-dlya-uchastnikov-svo-prodlili-do-kontsa-marta-4155425