Республикабыҙ депутаттары МХО яугирҙәренә гуманитар йөктө алып барып тапшырҙы

Башҡортостан Дәүләт Йыйылышы депутаттары Донбасҡа гуманитар йөк тейәгән колоннаны оҙатып барҙы. Был юлы гуманитар ярҙам менән бергә Красный Луч ҡалаһынан хәрби хеҙмәткәрҙәрҙең балалары өсөн яңы йыл бүләктәре һәм Петровское ауылы өсөн Яңы йыл шыршыһы ебәрелде.

«Балалар Яңы йылды түҙемһеҙләнеп көтә, мөғжизә көтә. Беҙ Красный Луч ҡалаһына – яңы йыл бүләктәре, ә Петровское балаларына Күмертауҙан шыршы алып килдек. Баҡтиһәң, ауылда һәм тирә-йүндә шыршы ҡалмаған тиерлек. Бер өлөшө янғында юҡҡа сыҡҡан, бер өлөшөн халыҡ утынға ҡырҡҡан. Ошо көндәрҙә ауылдың төп майҙанын Башҡортостандан килтерелгән һигеҙ метрлыҡ шыршы биҙәйәсәк», – тине Константин Толкачев.

Депутаттар ярҙам йыйыу эшен даими алып бара, ләкин нәҡ ошо партия Башҡортостандың Конституция советы ағзалары ҡатнашлығында парламентарийҙарҙың шәхси аҡсаһына  йыйылған, тип белдерҙе парламент спикеры. Колонна составында яугир яҡташтары янына Архангел, Ауырғазы, Дыуан, Ҡырмыҫҡалы һәм Шаран райондары вәкилдәре лә барҙы.

Дәүләт Йыйылышы рәйесе һәм сәфәрҙә ҡатнашҡан депутаттар Бердянск, Красный Луч, Днепрорудное, Геническ, Мелитополь, Донецк, Луганск ҡалаларында хәрбиҙәр менән осрашты. Луганск госпиталендә парламентарийҙар Башҡортостандан килгән ирекмән ҡатын-ҡыҙҙарҙы барып күрҙе. Ҡаһарманлығы менән айырылып торған яугирҙәр дәүләт наградалары менән бүләкләнде.

Донецкиҙа һәм Луганскиҙа парламент-ара хеҙмәттәшлек мәсьәләләре тикшерелде. Красный Луч һәм Днепрорудное ҡалаларында һыу менән тәьмин итеү, ремонт эштәрен ойоштороу, техника менән тәьмин итеү мәсьәләләре күтәрелде.

Бынан алдараҡ «Башинформ» Башҡортостанда Оборона министрлығы менән килешеү төҙөгән өсөн кредит буйынса бурыстарҙы ғәмәлдән сығара башлауҙары хаҡында хәбәр иткәйне.

https://www.bashinform.ru/news/svo/2024-12-26/deputaty-bashkirii-dostavili-gumanitarnuyu-pomosch-boytsam-svo-4067448