Башҡортостандан МХО-ла ҡатнашыусылар малайҙы яҡынлашып килгән Яңы йыл менән ҡотланы

«Башҡортостан» мотоуҡсылар полкы һәләк булған яугирҙең улынан хат алды һәм уға башҡорт һуғышсыларына яҙып ебәргән тулҡынландырғыс һүҙҙәре өсөн рәхмәт белдерҙе, тип хәбәр итә «Фронт хаттары Башҡортостан полкы» телеграм-каналы.

Малайҙың исеме Дима. Атаһы Бахмут өсөн (хәҙерге Артёмовск) барған алышта башын һалған. Дима үҙенең хатында атаһы менән ғорурланыуын яҙған һәм Башҡортостан яугирҙәренә иҫән-һау әйләнеп ҡайтыуҙарын теләгән.

«Ҡәҙерле Дима! Беҙ, «Башҡортостан» полкы яугирҙәре, һинең хатыңды алдыҡ. Рәхмәт һиңә хатың өсөн. Беҙҙән һиңә теләк шул: бирешмә, бойоҡма. Һин — ир-егет. Беҙ һине яҡынлашып килгән Яңы йыл менән ҡотлайбыҙ, иң мөһиме — һаулыҡ, аяҙ күк йөҙө теләйбеҙ. Атайың өсөн мотлаҡ рәүештә үс алырбыҙ. Еңеү беҙҙең яҡта булыр!»  — тине яугир.

https://www.bashinform.ru/news/svo/2024-12-19/uchastniki-svo-iz-bashkirii-pozdravili-malchika-s-nastupayuschim-novym-godom-4060517