Яҡташ яугир IV дәрәжә Георгий тәреһе менән бүләкләнгән

Баймаҡ районынан «Рәфис» позывнойлы яугир махсус хәрби операция биләмәһендә күрһәткән батырлығы һәм ҡаһарманлығы өсөн IV дәрәжә Георгий тәреһе менән бүләкләнгән. Яҡташыбыҙ «Башинформ» хәбәрсеһенә 2022 йылда өлөшләтә мобилизация сиктәрендә хәрби хеҙмәткә саҡырылыуы хаҡында һөйләне.

– Беҙҙең подразделениеларға Кременная тирәһенән дошман ғәскәрҙәрен ҡыуып сығарыу бурысы йөкмәтелде. Беҙҙең взвод уны уңышлы башҡарҙы, дошмандар һөжүмде туҡтата алманы һәм фронт һыҙығынан бер нисә саҡрымға сигенергә мәжбүр булды. Мөһим задание ваҡытында ҡыйыулыҡ күрһәткән яугирҙәргә дәүләт наградалары тапшырылды, – тип һөйләне яугир.

«Рәфис» махсус операция барышында бер нисә тапҡыр яраланған.

– Алты тапҡыр яраландым, ауырға тура килә, әммә был – ир-егеттәр эше. Мин яҡташтарым менән Тыуған илебеҙ һағына баҫтым, беҙҙең рота яугирҙәренең күбеһе – Баймаҡ районынан. Тиҙҙән еңеү менән ҡайтырбыҙ тип ышанам.

Башҡортостанда махсус хәрби операция биләмәһендә хеҙмәт итеү өсөн контракт төҙөүгә бәйле һорауҙарҙы хәрби ведомствоның 117, Ситуация үҙәгенең 122 йәки (347) 218-19-19 номерҙарына шылтыратып, шулай уҡ «Минең документтарым» күп функциялы үҙәге офистарында бирергә мөмкин. Һайлау алыу пунктының телефоны: (347) 248-29-31.

https://www.bashinform.ru/news/svo/2024-12-02/boets-svo-iz-bashkirii-nagrazhdyon-georgievskim-krestom-iv-stepeni-4032500