Актриса Эльмира Юлдашева МХО-ға китергә ҡарар иткән
Х. Әхмәтов исемендәге Башҡорт дәүләт филармонияһы алып барыусыһы Эльмира Юлдашева МХО-ға барырға ҡарар иткән. Был хаҡта ул «Башинформ» агентлығына һөйләне. Актриса махсус операция бурыстарын алғы һыҙыҡта үтәргә ниәтләй, шуға күрә бөгөн БПЛА операторына уҡый.
— Мин – Тыуған илемдең патриоты. Ватаныбыҙҙы һаҡларға кәрәклегенә һаман да шикләнгән ир-егеттәргә өлгө булғым килә. Коллегаларым минең ҡарарымды бик хупланы. Мәҙәниәт министрлығы етәкселеге минең эш урынымды һаҡлап ҡаласаҡ, – тине Эльмира.
Эльмира Юлдашева үҙенең ниәте ныҡлы булыуын, әммә барыбер бер аҙ борсолоуы хаҡында һөйләне.
– Әлбиттә, мин борсолам. Әммә көслө кешемен, тормошта күпте күрҙем. Барыһы ла килеп сығыр тип уйлайым. Яҡындарыма терәк-таяныс булыуҙары өсөн рәхмәтлемен, – тине актриса.
Эльмира Юлдашева республикала «Ай ҡыҙы» башҡорт телесериалында (режиссеры Әнүәр Нурмөхәмәтов) төп ролде башҡарыусы актриса булараҡ билдәле, шулай уҡ ул – Башҡортостандың атҡаҙанған артисы.
Иҫегеҙгә төшөрәбеҙ, Башҡортостанда МХО-ла ҡатнашыусыларға ярҙам итеү буйынса 40-тан ашыу сара булдырылған. Рәсәй Федерацияһының Оборона министрлығы менән килешеү төҙөгән ир-егеттәр, бөтә түләүҙәрҙе иҫәпкә алып, тәүге йылда уҡ 3 825 000 һумдан алып эш хаҡы ала. Шулай уҡ һалдаттар һәм уларҙың ғаилә ағзаларына ҡырҡтан ашыу төрлө льготалар, шул иҫәптән шифаханаға бушлай йөрөү, ҡайһы бер һалымдарҙан азат итеү, балаларҙы тулыһынса бушлай уҡытыу, ғаиләгә көндәлек тормошта ярҙам күрһәтеү һәм башҡа күп нәмәләр булдырылған. Саралар исемлеген тулыһынса бында уҡығыҙ. Тулыраҡ мәғлүмәтте Башбат.рф сайтында һәм 122 телефоны буйынса белешергә мөмкин.
Быға тиклем «Башинформ» агентлығы Башҡортостандан журналисының МХО зонаһына эшкә йыйыныуы хаҡында хәбәр иткәйне.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.