Курск өлкәһендә Башҡортостан яугирҙәренә Шайморатов миҙалдары тапшырылды

Курск өлкәһендә яҡташ яугирҙәребеҙ генерал Шайморатов миҙалдары һәм «Өфө ҡалаһына нигеҙ һалыныуға 450 йыл» юбилей миҙалдары менән бүләкләнде. Был турала социаль селтәрҙәге сәхифәһендә Өфө мэры Ратмир Мәүлиев хәбәр итте.

Шулай уҡ хәрбиҙәргә PFV-дрондар һәм йылы кейемдәр тапшырылды.

«Курск өлкәһендә эшләйбеҙ. «Ральф» позывнойлы иптәшебеҙ һәм бөгөн алғы һыҙыҡта тыуған илебеҙҙе һаҡлаған башҡа егеттәр менән осраштыҡ. Беҙ геройҙарыбыҙ менән ғорурланабыҙ һәм уларға артабан да ярҙам итәбеҙ. Еңеү менән көтәбеҙ!»  —тип билдәләне Мәүлиев.

«Башинформ» хәбәр иткәнсә, Өфөлә махсус хәрби операцияла ҡатнашыусыларға кафела, бөҙрәханаларҙа һәм автосервиста ташлама яһала.

https://www.bashinform.ru/news/svo/2024-11-12/boytsam-iz-bashkirii-v-kurskoy-oblasti-vruchili-medali-shaymuratova-4004737