Башҡорт биатлоны бөйөк спортсыһын юғалтты
Төмәндә биатлон буйынса Олимпия уйындары чемпионы Галина Куклева мәрхүм булған. Сығышы Ишембай ҡалаһынан булған күренекле спортсының иртә баҡыйлыҡҡа күсеүе илебеҙ һәм башҡорт спорты өсөн оло юғалтыу, тип хәбәр итте Башҡортостан Башлығы Радий Хәбиров.
Галина Куклева ватан тарихына үҙенең исемен алтын хәрефтән менән яҙҙы. 1998 йылда Наганолағы Олимпиадала 7,5 километрға спринтта ул алтын миҙал яулай. Эстафетала көмөш миҙалға лайыҡ була. 2002 йылда Солт-Лейк-Ситилағы Олимпиадала «бронза»ға өлгәшә. Ишембай биатлонсыһы оҙаҡ ваҡыт Төмәндә йәшәй һәм йәш спортсыларҙы тәрбиәләүгә күп көс һала.
Башҡорт биатлоны ветераны Павел Мөслимов әйтеүенсә, Куклева Башҡортостандың иң атаҡлы биатлонсыһы булып иҫәпләнә.
«Галина Куклеваның ҡапыл вафат булыуы бөтә Рәсәй спорты өсөн ғәйәт ҙур юғалтыу. 1998 йылға тиклем беҙ уның менән бергә Өфөлә шөғөлләндек. Артабан Нагано Олимпиадаһында Куклева спринтта алтын яуланы, ә беҙ эстафетала бронза алдыҡ. Ул йәш спортсыларға тәжрибәһен еткерҙе, Төмән дәүләт университетының физик культура институтында эшләне Беҙҙең өсөн ул башҡорт биатлонында иң атаҡлы спортсы булып ҡала», — тине Павел Мөслимов.
«Башинформ» әңгәмәсеһе Галина Куклеваның һуңғы айҙарҙа ҡаты сирләүе хаҡында белдерҙе. Мәғлүм булыуынса, олимпия чемпионы яман шеш менән яфаланған.
Галина Куклева менән хушлашыу сараһы 17 июлдә Ишембай ҡалаһында үтә. Район хакимиәтенән «Башинформ» агентлығына хәбәр итеүҙәренсә, матәм сараһы «Ишембай-Арена» боҙ һарайында көндөҙгө 11 сәғәт 30 минутта башлана.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.