Нефтекаманан бейеклеккә һикереүсе Алина Вәкилова Ҡазанда еңел атлетика буйынса Бөтә Рәсәй ярыштарында алтын миҙал яуланы. Башҡортостандың Спорт министрлығынан хәбәр итеүҙәренсә, турнирҙа илдең төрлө төбәктәренән 1000-дән ашыу спортсы ҡатнашты.
Алина Вәкилова 170 сантиметр бейеклеккә һикереп, 14-16 йәшлек спортсылар араһында иң яҡшыһы булды. Турнирҙа яҡташыбыҙ спорт мастерына кандидат нормативын үтәне.