Егор Баранников Новогорскиҙа Бөтә Рәсәй рапирасылар турнирында еңеү яуланы. Рәсәйҙең Фехтование федерацияһынан хәбәр итеүҙәренсә, ярыш Мәскәү өлкәһендә Ильгар Мамедовтың Фехтование үҙәгендә үтте.
Ир-егеттәр араһында турнирҙа 74 спортсы ҡатнашты. Өфөнән Егор Баранников почет пьедесталының юғары баҫҡысына күтәрелде. Награданы уға олимпия чемпионы, Рәсәйҙең атҡаҙанған тренеры Дмитрий Шевченко тапшырҙы.