Республикала мини-футбол буйынса «Олотау йыйыны» ойошторола
Башҡортостанда «Олотау йыйыны» турниры үткәрелә. Мини-футбол буйынса чемпионатҡа тотош Рәсәйҙән һәм БДБ-нан спорт һөйөүселәр килә.
Рәсәйҙең иң сағыу һәүәҫкәр футбол турнирҙарының береһе 3-6 июлдә Учалы районының Ҡотой ауылында ойошторола. Тирә-яҡ ауылдарҙан тиҫтәләгән команда төп бүләк – башҡорт тоҡомло сабыш аты өсөн көс һынаша.
Хәтерегеҙгә төшөрәбеҙ, ҙур спорт байрамы 2019 йылдан башлап Олотау янында йыл һайын үткәрелә, унда төрлө йәштәге уйынсылар осраша. Бында, футболдан тыш, спорт байрамында ҡатнашыусылар һәм ҡунаҡтар уҡтан ата, былау менән һыйлана ала.
«Олотау йыйыны» ярыштарында ҡатнашыу өсөн турнир сайтында ғариза ҡалдырырға кәрәк.
Хәтерегеҙгә төшөрәбеҙ, «Олотау йыйыны» — ауыл командалары араһында мини-футбол буйынса традицион турнир, уны ойоштороусылар булып Учалы районының Ҡотой ауылы халҡы сығыш яһай. Фестивалдең (2023 йылға тиклем турнир) тарихы 2019 йылдың 19 июленән башлана. Хәҙер ул Башҡортостанды ғына түгел, күрше төбәктәрҙе лә берләштерә.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.