Яҡташтарыбыҙ көрәш буйынса Рәсәй чемпионатында миҙалдар яуланы

Башҡортостан көрәшселәре Ҡазанда көрәш буйынса Рәсәй чемпионатында һигеҙ миҙал яуланы. Был хаҡта республиканың Спорт министрлығынан хәбәр иттеләр.

Турнир Рәсәйҙең 43 төбәгенән 200-ҙән ашыу ҡатнашыусыны берләштерҙе, унда төрлө ауырлыҡ категорияларында 10 комплект награда уйнатылды. Айнур Сираев 130 килограмға тиклемге ауырлыҡ категорияһында көмөш миҙалға лайыҡ булды. Бронза призерҙар – Рубин Раджабов (60 килограмм), Рөстәм Кәшәфетдинов (65 килограмм), Евгений Зиязов (75 килограмм), Артур Зөлҡәрнәев (80 килограмм), Денис Ускомбаев (85 килограмм), Турал Азимов (130 килограмм) һәм Мансур Юлтимиров (130+ килограмм).

Ил чемпионаты призерҙары 5-7 июлдә Мәскәүҙә Донъя кубогында ҡатнашыу өсөн юллама алды.

https://www.bashinform.ru/news/sport/2025-04-29/bortsy-bashkirii-zavoevali-medali-na-chempionate-rossii-po-koresh-4218588