Башҡортостан спортсыһы Эльза Янабаева коляскала фехтование буйынса Рәсәй чемпионы исемен яуланы, тип хәбәр иттеләр республиканың спорт министрлығынан.
Коляскала фехтование буйынса Рәсәй чемпионаты Өфөлә бара. Римма Баталова исемендәге Спорт әҙерлеге үҙәгендә 18 төбәктән 98 спортсы ил чемпионы исеме өсөн көрәшә.
Ярыштың беренсе көнө Башҡортостан спортсыларына бер нисә миҙал килтерҙе. Рапирала (С категорияһы) Эльза Янабаева еңеүсе булһа, Альбина Дәүләтова бронза миҙал алды (А категорияһы).
«Башинформ» Өфөнән бер туғандарҙың Төркиәлә уҙған халыҡ-ара турнирҙа көмөш миҙал яулауы тураһында ла хәбәр иткәйне.