«Өфө Арена»ла намаҙ бүлмәһе асылды

«Өфө Арена»ла намаҙ бүлмәһе асылды. Мосолмандарға көн дә биш тапҡыр намаҙ уҡырға кәрәк. Шуға күрә бындай мөмкинлекте көйәрмәндеребеҙ өсөн булдырыу күптән кәрәк ине, тип хәбәр иттеләр «Башинформ» агентлығына «Салауат Юлаев» клубынан.

Иҫегеҙгә төшөрәбеҙ, бөгөн «Салауат Юлаев» плей-оффтың беренсе һынауында «Себер» клубы менән көрәште башлай. Уйындар серияһы Өфөлә старт ала. Тәүге уйындар 27 һәм 29 мартта «Өфө Арена»ла уҙа. Ҡунаҡ уйындары 31 мартта һәм 2 апрелдә Новосибирск ҡалаһында үтә. Әгәр ҙә серия биш һәм унан күберәк уйынға тиклем дауам итһә, командалар еңеүсене 4, 6 һәм 8 апрелдә өҫтәмә уйындарҙа билдәләйәсәк.